News
Loading...

தூத்துக்குடியில் உணவுத் திருவிழா!

தூத்துக்குடியில் உணவுத் திருவிழா

தூத்துக்குடியில் சனி, ஞாயிறு ஆகிய 2 நாட்களுக்கு, பாரம்பரிய உணவுத் திருவிழா நடைபெற்று வருகிறது.

முத்துநகர் கடற்கரையில் 2 நாட்களிலும் மாலை 5 முதல் 9 மணி வரை இத்திருவிழா நடைபெறும். தூத்துக்குடி மாவட்ட நிர்வாகம் இதற்கான ஏற்பாடுகளைச் செய்துள்ளது.

தமிழகத்தின் பாரம்பரிய உணவு வகைகளில் உள்ள ஊட்டச்சத்து தொடர்பான விழிப்புணர்வை ஏற்படுத்தும் விதமாக, இந்த உணவுத் திருவிழா நடைபெறுகிறது. இதையொட்டி, செல்லப் பிராணிகள் கண்காட்சி, கடற்கரை கைப்பந்து, கபடி, சிறுவர் விளையாட்டுப் போட்டிகள் போன்றவையும் நடத்தப்படுகின்றன.

குறிப்பாக, தூத்துக்குடியின் பிரபல உணவு வகைகளான கோவில்பட்டி கடலை மிட்டாய், முதலுர் மஸ்கோத் அல்வா, கடம்பூர் போளி, கீழ் இறால் சேவு, உடன்குடி சில்லு கருப்பட்டி, கருப்பட்டி தேன்குழல் உள்ளிட்டவை குறித்த செயல்முறை விளக்கம், தயாரிப்புகள் போன்றவை இங்கு இடம்பெறும்.

மேலும், பல்வேறு ரகத்திலான சிறுதானிய உணவு வகைகள், சுய உதவிக் குழுக்கள் தயாரித்த உணவுப் பொருட்கள் மற்றும் பிரதான உணவகங்களின் விற்பனை அரங்குகளும் இடம்பெறும் என்று தூத்துக்குடி மாவட்ட ஆட்சியர் ரவிக்குமார் வெளியிட்ட செய்திக்குறிப்பில் கூறப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.