News
Loading...

இறந்த உடலை பிளாஸ்டிக் பையில் சுமந்து சென்ற துயரம்

இறந்த உடலை பிளாஸ்டிக் பையில் சுமந்து சென்ற துயரம்

ஆம்புலன்ஸ் வசதி கிடைக்காததால், இறந்தவர் உடலை பிளாஸ்டிக் பையில் சுமந்து சென்ற சம்பவம் பெரும் சோகத்தை ஏற்படுத்தியுள்ளது.

பீகார் மாநிலம் கடிகர் பகுதியைச் சேர்ந்த நபர் ஒருவர் கடந்த 14 நாட்களுக்கு முன்பாக கங்கை நதியில் மூழ்கி உயிரிழந்தார். இதையடுத்து அவரது உடலை தேடும் பணியில் தீயணைப்புத்துறையினர் ஈடுபட்டனர். பின்னர் அவரது உடல் அழுகிய நிலையில் கண்டெடுக்கப்பட்டது. இதையடுத்து அருகிலுள்ள மருத்துவமனைக்கு பிரேத பரிசோதனைக்காக கொண்டு சென்றனர்.

ஆனால் 24 மணி நேரமாக மருத்துவர்கள் இறந்த உடலை பிரேத பரிசோதனை செய்யவில்லை. பின்னர் அருகிலுள்ள பாகல்பூர் மருத்துவமனைக்கு கொண்டு செல்லுமாறு தெரிவித்துள்ளனர். ஆனால் தங்களிடம் பணம் இல்லாததால், ஆம்புலன்ஸ் வசதி செய்து தருமாறு கூறியுள்ளனர். இருப்பினும் மருத்துவர்கள் எந்தவித வசதியும் செய்து தரவில்லை.

இதனைத்தொடர்ந்து இறந்தவர் உடலை அவரது உறவினர்கள் மூன்று பேர், பிளாஸ்டிக் பையில் போட்டு தூக்கி சென்றுள்ளனர். வழியில் கூட அவர்களுக்கு எந்தவித உதவியும் கிடைக்கவில்லை. சாதாரண மக்களுக்கு போதிய மருத்துவ வசதிகள் கூட கிடைக்காத நாட்டில் வாழ்ந்து வருவது மிகுந்த சோகத்தை ஏற்படுத்துவதாக சமூக ஆர்வலர்கள் தெரிவித்துள்ளனர்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.