News
Loading...

அஜித் சார் தான் எனக்கு வீடு வாங்கிக் கொடுத்தாரா? - அப்புக்குட்டி விளக்கம்

அஜித் சார் தான் எனக்கு வீடு வாங்கிக் கொடுத்தாரா? - அப்புக்குட்டி விளக்கம்

அப்புக்குட்டி என்ற சிவபாலன் 'வெண்ணிலா கபடி குழு', 'குள்ள நரி கூட்டம்', 'வீரம்', 'வேதாளம்' உள்ளிட்ட பல படங்களில் குணசித்திர மற்றும் காமெடி வேடங்களில் நடித்துள்ளார்.

இவர் காமெடியனாக மட்டுமில்லாமல் 'அழகர்சாமியின் குதிரை', 'மன்னாரு' ஆகிய படங்களில் ஹீரோவாகவும் நடித்துள்ளார். தற்போது 'காகித கப்பல்' என்ற படத்தில் கதாநாயகனாக நடித்து வருகிறார். அவருக்கு ஜோடியாக புதுமுகம் டில்லிஜா என்பவர் நடிக்கிறார். ககித கப்பல் படத்தின் ஆடியோ வெளியீட்டு விழா சென்னையில் நடந்தது. இந்த விழாவில் கலந்து கொள்வதற்காக கேரளாவிலி இருந்து புறப்பட்டு வந்தார்.

அப்புக்குட்டி

இப்பட ஆடியோ வெளியீடு விழாவில் பேசிய அப்புக்குட்டி, "சமீபகாலமாக என்னை பற்றி பல்வேறு செய்திகள் ஊடகங்களில் தாறுமாறாக வந்து கொண்டிருக்கிறது. அஜித் சார் எனக்கு வீடு வாங்கி தந்துள்ளதாகவும், நான் நடிப்பதற்கு பணம் பெற்றுக் கொள்வதில்லை என்றும் தங்கள் இஷ்டம் போல் எழுதுகின்றனர்.

நான் சினிமாவில் புகழ் மற்றும் பணம் சம்பாதிப்பதற்காகவே நடிக்கிறேன். பணம் வாங்காமல் நடிக்கிறேன் என்றால், இவர் சம்பளம் வாங்காமல் நடிப்பார் என்று என் வாசலில் நிறைய பேர் நிற்பார்கள். எந்த படத்தில் நடித்தாலும் பணம் வாங்காமல் நடித்ததில்லை. அவ்வாறு வாங்கிய சம்பளத்தில் தான் சென்னையில் எனக்கென ஒரு வீடு கட்டி வருகிறேன்.

அப்புக்குட்டி

காகித் கப்பல் படத்தில் நான் கிராமத்தில் இருந்து சென்னைக்கு வந்து வாழ்க்கையில் போராடி வெற்றி பெறும் கதாபாத்திரத்தில் நடித்துள்ளேன்." என கூறியுள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...