News
Loading...

அம்மா உணவகத்தை போல், ம.பி.,யில் ஏழை மக்களுக்கு சவுகான் தாலி

சவுகான்

அம்மா உணவகத்தை போல், ம.பி.,யில் ஏழை மக்களுக்கு ரூ.10க்கு சவுகான் தாலி

போபால்: தமிழ்நாட்டில் செயல்படுத்தப்பட்டு வரும் அம்மா உணவகத்தைப் போல், மத்திய பிரதேசத்தில் சவுகான் தாலி எனும் ஏழைகளுக்கான திட்டத்தை கொண்டு வர அம்மாநில அரசு முடிவு செய்துள்ளது.

தமிழ்நாட்டில் அம்மா உணவகம், ஒடிசாவில் ஆஹார் யோஜனா போல், மத்தியப் பிரதேசத்திலும் ஏழைகளுக்கு குறைந்த விலையில் தரமான உணவு வழங்க அம்மாநில அரசு திட்டமிட்டுள்ளது. இதன் விலை ரூ.10ஆக நிர்ணயிக்கப்பட்டுள்ளது. இதில் ரொட்டி, தால், சப்ஷி, சாதம், ஊறுகாய் ஆகியவை இடம்பெற்றிருக்கும்.

இதற்கான முறையாக அறிவிப்பு விரைவில் வெளியிடப்படும் என்று தெரிவிக்கப்பட்டுள்ளது. சமீபத்தில் நடைபெற்ற மாநில பாஜக கூட்டத்தில், இதுகுறித்து ஆலோசனை நடத்தப்பட்டது. வரும் 25ம் தேதி பண்டிட் தீனதயாள் உபாத்யாயின் பிறந்த நாள் விழா கொண்டாடப்படுகிறது. இந்த செயல்திட்டம் அன்று முதல் செயல்படுத்தப்படும் என்று திட்டமிடப்பட்டுள்ளது.

வரும் 2018ம் ஆண்டு மத்திய பிரதேச மாநில சட்டமன்ற தேர்தல் நடைபெறவுள்ளது. இதையடுத்து பொதுமக்களை கவரும் வண்ணம் இந்த திட்டம் கொண்டு வரப்பட்டுள்ளதாக கூறப்படுகிறது. முதலில் போபால், இந்தூர், குவாலியர், ஜபல்பூர் ஆகிய இடங்களில் அறிமுகப்படுத்தப்படும் என்று குறிப்பிடப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...