News
Loading...

அகில இந்திய வானொலியின் பலூச் மொழி இணையதளம் இன்று தொடக்கம்

அகில இந்திய வானொலியின் பலூச் மொழி இணையதளம் இன்று தொடக்கம்

அகில இந்திய வானொலி நிலையம் ஏற்கனவே பலூச் மொழியில் ஒரு மணிநேரத்திற்கு மேலாக நிகழ்ச்சிகளை ஒலிபரப்பி வருகிறது. இந்தச் சேவையானது கடந்த 1974ம் ஆண்டு மே மாதம் முதல் நடைமுறையில் உள்ளது. இதன் நிகழ்ச்சிகள் பாகிஸ்தான் உள்பட பலூச் மொழி பேசும் மக்கள் வாழும் இடங்களை சென்றடைகின்றன.

இதன் காரணமாக ஒரு இணையதளம் மற்றும் மொபைல் ஆப் இருந்தால் உலகம் முழுவதும் உள்ள பலூச் மொழி பேசும் மக்களுக்கு உதவியாக இருக்கும். இதன் காரணமாக இந்த இணையதளம் மற்றும் ஆப் சேவை இன்று முதல் தொடங்கப்படுகிறது. இதனை பொது ஒலிபரப்பு சேவை மையமான பிரசார் பாரதியின் நிறுவனர் சூர்யபிரகாஷ் தொடங்கி வைக்கிறார் என்பது குறிப்பிடத்தக்கது.

சுதந்திர தின உரையில் பிரதமர் நரேந்திர மோடி பாலூஸ்தானிலும், காஷ்மீரிலும் வாழும் மக்கள் மீது பாகிஸ்தான் ராணுவம் இழைக்கும் கொடுமைகளை குறித்து குறிப்பிட்டிருந்தார். இதன் காரணமாக அகில இந்திய வானொலி நிலையம் இந்த இணையதளம் தொடங்கும் முயற்சியை எடுத்துள்ளது என்பது குறிப்பிடத்தக்கது. அகில இந்திய வானொலி நிலையத்தின் வெளிச்சேவை பிரிவு மூலமாக 108 நாடுகளைச் உள்ளடக்கிய 27 மொழிகளில் ஒவ்வொரு நிகழ்ச்சிகளும் ஒலிபரப்பப்படுகிறது. இதில் பலூச் மொழி உள்பட 15 வெளிநாட்டு மொழிகளும் இடம்பெற்றுள்ளன என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...