News
Loading...

பக்ரீத் பண்டிகை: நாடு முழுவதும் பள்ளிவாசல்களில் சிறப்பு தொழுகை

பக்ரீத் பண்டிகை: நாடு முழுவதும் பள்ளிவாசல்களில் சிறப்பு தொழுகை

சென்னை: பக்ரீத் பண்டிகை இன்று கொண்டாடப்படுவதையொட்டி நாடு முழுவதும் உள்ள பள்ளிவாசல்களில் நடைபெற்ற சிறப்பு தொழுகையில் ஏராளமானோர் கலந்து கொண்டனர்.

இப்ராஹிம் நபி (அலை) யுடைய கனவில், இறைவன் தோன்றி, 'உம்முடைய மகன், இஸ்மாயிலை, என் பெயரால் அறுத்து, பலி இடு என்று கட்டளையிட்டார். இறைவனின் கட்டளையை நிறைவேற்ற, இப்ராஹிம் நபி, தன் கனவைப் பற்றி மகன் இஸ்மாயிலிடம் கூறுகிறார்.

அதற்கு மகன் இஸ்மாயில், தங்களுக்கு இறைவன் என்ன கட்டளையிட்டாரோ, அதை நிறைவேற்றுங்கள் எனக் கூறினார். தொடர்ந்து மகனை பலிகொடுக்கும் பொருட்டு, மலை அடிவாரத்துக்குச் சென்றனர்.

பிள்ளைப் பாசத்தால் தன் கண்களை துணியால் கட்டிக் கொண்டு, மகன் கழுத்தில் கூரிய கத்தியை வைத்து, "அல்லாஹ் மிகப் பெரியவன்" என்றார். அப்போது, மகன் இருந்த இடத்தில் ஒரு ஆடும் அவரது மகன் விலகியிருந்ததுமான காட்சியையும் காண்கிறார்.

இதன் நினைவாகவே இறுதி நபி முஹம்மத் (ஸல்), "இந்நாளில் நீங்கள் அனைவரும் அந்த தியாகத்தை நினைவில் கொள்ள வேண்டும். உங்களில் வசதியுள்ளவர் ஓர் ஆட்டை குர்பானி கொடுத்து, அதன் கறியை ஏழைகளுக்கு கொடுத்து கொண்டாடுங்கள்' என்று சொன்னார்.

அந்த தன்னலமற்ற தியாகங்களை நினைவு கூரும் நாளாக இன்றைய தியாகத் திருநாளான பக்ரீத் கொண்டாடப்படுகிறது.

இஸ்லாமியர்களின் முக்கிய திருநாளான பக்ரீத் பண்டிகை இன்று நாடு முழுவதும் உற்சாகமாக கொண்டாடப்பட்டு வருகிறது. இதை முன்னிட்டு தமிழகம் உள்ளிட்ட அணைத்து மாநிலங்களைளும் சிறப்பு தொழுகை நடைபெற்றது. அதில், ஏராளமானோர் கலந்து கொண்டனர்.

கோவையில் இன்று சிறப்பு தொழுகை நடத்தபட்டது. சிறப்பு தொழுகையில் 5,000-க்கும மேற்பட்டவர்கள் கலந்து கொண்டனர். தொழுகையின் முடிவில் ஒருவருக்கு ஒருவர் அர தழுவி ஈகை திருநாளின் வாழ்த்துக்களை பகிர்ந்து கொண்டனர். பண்டிகையை ஒட்டி ஏழை மக்களுக்கு இனிப்புகள், இறைச்சிகள் மற்றும் உணவுகளும் வழங்கப்பட்டது.

சென்னை திருவல்லிக்கேணி பள்ளி வாசல், பெரிய மேடு பள்ளி வாசல் உள்ளிட்ட பள்ளிவாசல்களில் நடைபெற்ற சிறப்பு தொழுகையில் ஆயிரக்கணக்கானோர் பங்கேற்றனர். அதேபோல், தில்லியின் ஜுமா மசூதியில் பக்ரீத் பண்டிகையையொட்டி சிறப்பு தொழுகைக்கு ஏற்பாடு செய்யப்பட்டிருந்தது. அதில் ஏராளமானோர் கலந்து கொண்டு தொழுகை நடத்தினர்.

முகநூலில் எங்கள் செய்திகளை படிக்க க்ளிக் செய்யவும்


Loading...