News
Loading...

புதுச்சேரியைத் தூய்மைப்படுத்த மாணவர்களுக்கு கிரண் பேடி அழைப்பு

கிரண் பேடி

புதுச்சேரி : புதுச்சேரியைத் தூய்மைப்படுத்த மாணவர்களும் முன்வர வேண்டும் என்று அம்மாநிலத்தின் துணை நிலை ஆளுநர் கிரண் பேடி தெரிவித்துள்ளார்.

புதுச்சேரி அரசின் துணைநிலை ஆளுநராக கிரண் பேடி பொறுப்பேற்றுக்கொண்டு 100 நாட்கள் நிறைவேறியதைத் தொடர்ந்து அம்மாநில அரசின் செயலாளர்கள் மற்றும் மாவட்ட ஆட்சியர்களுடன் கிரண்பேடி கலந்துரையாடல் நடத்தினார். அப்போது பேசிய அவர், புதுச்சேரியைத் தூய்மைப்படுத்த மாணவர்களும் முன்வர வேண்டும் என்று அழைப்பு விடுத்தார்.

மேலும், பத்திரிகைகளில் வெளியாகும் மக்களின் பிரச்சினைகள் குறித்து உடனடியாக விசாரிக்கப்பட்டு நடவடிக்கைகள் எடுக்கப்படுகின்றன. அரசின் செயல்பாடுகளை மக்கள் நன்கு அறிந்தால் அவர்களே புதுச்சேரியைத் தூய்மையாக்க முயற்சிப்பார்கள். புதுச்சேரியைத் தூய்மையாக்கும் நோக்கத்தில், அனைத்து பள்ளி, கல்லூரி மாணவர்களும் இணைய வேண்டும்.

முதல்வர் நாராயணசாமியுடன் பணியாற்றுவது மகிழ்ச்சி அளிக்கிறது. நட்து முடிந்த புதுச்சேரி சட்டப்பேரவைக் கூட்டத்தொடரில் அறிவித்த தொழிற்கொள்கை மிகவும் சிறப்பு வாய்ந்தது. அரசின் நடவடிக்கைகளுக்கு அதிகாரிகளின் முழு ஒத்துழைப்பு மகிழ்ச்சி அளிக்கிறது. அதனால், புதுச்சேரியிலிருந்து வெளியேற மனமில்லை. தொடர்ந்து, புதுச்சேரியை மாற்றியமைக்க பாடுபடுவேன். என்று அவர் கூறியுள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...