News
Loading...

பிரியாணிக்காக பஸ்ஸை எரித்த இளம்பெண்..!

பிரியாணிக்காக பஸ்ஸை எரித்த இளம்பெண்..!

கர்நாடகாவில் தமிழக பஸ்ஸை எரித்ததாக கைது செய்யப்பட்டுள்ள இளம்பெண் பிரியாணிக்காக இந்த செயலை செய்ததாக காவல்துறை விசாரணையில் தெரிய வந்துள்ளது.

காவிரி நதிநீர் பங்கீடு தொடர்பாக கர்நாடகாவில் நடைபெற்ற வன்முறையில் 42 கேபிஎன் பேருந்துகள் தீ வைத்து கொளுத்தப்பட்டன. டிசோசா நகரில் நிறுத்தி வைக்கப்பட்டிருந்த 42 பேருந்துகள் தீக்கிரையாயின. இந்த சம்பவத்தில் தொடர்புடைய ஏழு பேரை காவல்துறையினர் கைது செய்தனர்.

சிசிடிவி காட்சிகளை ஆய்வு செய்த காவல்துறையினர், பெண் ஒருவர் எல்லோருக்கும் பெட்ரோல் விநியோகிப்பது பதிவாகியுள்ளதை கண்டறிந்தனர். அந்தப்பெண் யசோதா நகரை சேர்ந்த பாக்யஸ்ரீ என்று தெரிந்ததை அடுத்து காவல்துறையினர் அவரை கைது செய்தனர்.

இது குறித்து காவல்துறையினர் பாக்யஸ்ரீயிடம் நடத்திய விசாரணையில், தான் வசிக்கும் பகுதியில் உள்ள சில இளைஞர்கள், பஸ்ஸை எரிக்க உதவினால் பிரியாணி வாங்கி தருவதாக உறுதியளித்ததாகவும், அதனால்தான் அவர்களுக்கு பெட்ரோல் கேன்களை விநியோகித்ததாகவும் தெரிவித்துள்ளார்.

சமீபத்தில் கன்னட கஸ்தூரி சங்கத்தானே என்ற அமைப்பில் பாக்யஸ்ரீ இணைந்துள்ளார். அந்த அமைப்பினர் நடத்திய போராட்டத்தில் பாக்யஸ்ரீ கலந்து கொண்ட போதுதான் இந்த சம்பவம் நிகழ்ந்துள்ளது. மேலும் பேருந்துகளுக்கு தீ வைத்ததையும் அவர் ஒத்துக் கொண்டுள்ளார்.
இந்தப்பெண் இரண்டு வருடங்களுக்கு முன் பிழைப்பு தேடி குடும்பத்துடன் பெங்களூரு வந்தவர்.

வன்முறையை தொலைக்காட்சியில் பார்த்த இவர், கர்நாடகாவின் மீதுள்ள பற்றுதலால் இவ்வாறு செய்துவிட்டதாக வாக்குமூலம் கொடுத்துள்ளார். இந்நிலையில் பேருந்தை எரித்தவர்கள் மீது கடும் நடவடிக்கை எடுக்க வேண்டும் என்று கேபிஎன் உரிமையாளர் நடராஜன் கர்நாடக முதல்வர் சித்தராமையாவிடம் மனு அளித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...