News
Loading...

காவிரி விவகாரம்: போராட்டக்காரர்களுக்கு பிரகாஷ்ராஜ் வேண்டுகோள்

காவிரி விவகாரம்: போராட்டக்காரர்களுக்கு பிரகாஷ்ராஜ் வேண்டுகோள்

சென்னை: காவிரி நீர் விவகாரம் தொடர்பாக வன்முறை சம்பவங்களில் ஈடுபடும் போராட்டக்காரர்களுக்கு நடிகர் பிரகாஷ் ராஜ் வேண்டுகோள் விடுத்துள்ளார்.

தமிழகத்துக்கு காவிரியில் தண்ணீர் திறந்துவிடுமாறு உச்சநீதிமன்றம் தீர்ப்பு அளித்ததை தொடர்ந்து கர்நாடக மாநிலத்தின் பல்வேறு பகுதிகளில் கடும் போராட்டங்கள் நடைபெற்று வருகின்றன. தமிழர்களையும் தமிழக வாகனங்களையும் தாக்கி போராட்டக்காரர்கள் வன்முறையில் ஈடுபட்டு வருகின்றனர். மேலும், தமிழக வாகனங்கள் பல இடங்களில் தீ வைத்து எரிக்கப்பட்டுள்ளன. பெங்களூரு நகரமே புகைமண்டலமாக காணப்படுகிறது.

இந்நிலையில், கர்நாடகாவில் பிறந்து தென்னிந்திய திரைப்பட நடிகரான பிரகாஷ் ராஜ், வன்முறை சம்பவங்களை கண்டித்து தனது டுவிட்டர் பக்கத்தில் வீடியோ ஒன்றை பகிர்ந்துள்ளார்.

அவரது வீடியோ பதிவில், கர்நாடகா மற்றும் தமிழ்நாட்டில் தற்போது நிலவும் வன்முறைச் சூழல் மிகவும் வருத்தமளிக்கிறது. நியாயமான இவ்விவகாரத்தில், உரிமைக்காக போராட வேண்டும், நீதி கோர வேண்டும். ஒருபோதும் வன்முறை நிரந்தர தீர்வாகாது. உரிமைக்காக பேருந்தை எரித்து, சொத்துக்களை சேதப்படுத்தி நண்பர்கள் போன்றவர்கள் மீது தாக்குதல் நடத்துவது கண்டனத்திற்குரியது. இது தான் எதிர்கால தலைமுறையினருக்கு நாம் காட்டும் போராட்ட முறைகளா? என கேள்வி எழுப்பியுள்ளார்.

மேலும், மனிதநேயமற்று செயல்பட வேண்டாம். தலைவர்கள் இருக்கிறார்கள், அரசு இருக்கிறது, நீதிமன்றம் இருக்கிறது. வன்முறையை கையில் எடுக்க வேண்டாம். நீதிக்காக போராடலாம் ஆனால் போராடும் முறை தவறானது. இந்த வன்முறையில் ஈடுபடுபவர்கள், வதந்திகள் பரப்புபவர்கள் இதனை நிறுத்த வேண்டும் என்று கேட்டுக் கொள்வதாக, பிரகாஷ் ராஜ் தனது வீடியோ பதிவில் தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...