News
Loading...

கோவை இந்து முன்னணி சசிகுமார் கொலை வழக்கு சி.பி.சி.ஐ.டிக்கு மாற்றம்

கோவை இந்து முன்னணி சசிகுமார் கொலை வழக்கு சி.பி.சி.ஐ.டிக்கு மாற்றம்

கோவை: இந்து முன்னணி பிரமுகர் சசிகுமார் கொலை வழக்கு சி.பி.சி.ஐ.டிக்கு மாற்றம் செய்யப்பட்டுள்ளது.

கோவை துடியலூர் அருகே உள்ள சுப்பிரமணியபாளையத்தை சேர்ந்த சசிகுமார், இந்து முன்னணி செய்தித் தொடர்பாளராக செயல்பட்டு வந்தார். இவர் கடந்த 22ஆம் தேதி மர்மநபர்களால் வெட்டிக் கொலை செய்யப்பட்டார். இதையடுத்து கோவை முழுவதும் கலவரம் வெடித்தது. பேருந்துகள் மீது கற்கள் வீசப்பட்டன. ஏராளமான கடைகள் அடித்து நொறுக்கப்பட்டன.

சசிகுமாரின் உடல் கோவை அரசு ஆஸ்பத்திரியில் பிரேத பரிசோதனைக்கு பின்னர் ஒரு வேனில் ஊர்வலமாக கவுண்டம்பாளையத்துக்கு புறப்பட்டது. அப்போது அரசு ஆஸ்பத்திரி அருகே வன்முறை ஏற்பட்டதால் போலீசார் தடியடி நடத்தி கூட்டத்தை கலைத்தனர். பல்வேறு பகுதிகளில் ஊர்வலத்தினர் கல்வீசி கடைகளை அடித்து நொறுக்கினார்கள். சசிகுமார் கொலை பற்றி விசாரிக்க 6 தனிப்படைகள் அமைக்கப்பட்டுள்ளன. இந்த சம்பவம் பல்வேறு கோணங்களில் விசாரணை நடைபெற்று வருகிறது.

இந்நிலையில் இவ்வழக்கு சிபிசிஐடிக்கு மாற்றப்பட்டுள்ளது. இதற்கான் உத்தரவை டிஜிபி ராஜேந்திரன் நேற்று இரவு பிறப்பித்தார்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.