News
Loading...

டிஜிட்டல் இந்தியா - மாணவர்களுக்கு டிஜிட்டல் கல்விச் சான்றிதழ்கள் வழங்க ஏற்பாடு

டிஜிட்டல் இந்தியா - மாணவர்களுக்கு டிஜிட்டல் கல்விச் சான்றிதழ்கள் வழங்க ஏற்பாடு

டெல்லி : மாணவர்களுக்கு அடுத்த கல்வியாண்டு முதல் பட்டம், கல்விச் சான்றிதழ்கள் ஆகியவை டிஜிட்டல் முறையில் வழங்க ஏற்பாடு செய்யப்படும் என்று மத்திய மனிதவள மேம்பாட்டு அமைச்சர் தெரிவித்துள்ளார்.

இதுகுறித்து மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர் கூறும்போது "அனைத்து ஆவணங்களையும் டிஜிட்டல் முறையில் வழங்குவதற்காக, "டிஜிட்டல் இந்தியா' பிரசாரத்தை பிரதமர் நரேந்திர மோடி தொடக்கியுள்ளார்.

கல்விச் சான்றிதழ்களை டிஜிட்டல் முறையில் வழங்குவதற்காக தேசியக் கல்வி ஆவணக் காப்பகம் தொடங்கப்பட்டுள்ளது. அடுத்த கல்வியாண்டு முதல் பட்டம், கல்விச் சான்றிதழ்கள் ஆகியவை டிஜிட்டல் முறையில் வழங்க ஏற்பாடு செய்யப்படும். இந்த முறையில், புதிய கல்விச் சான்றிதழ்களை மாணவர்கள் பெறுவதோடு, தாங்கள் ஏற்கெனவே பெற்ற சான்றிதழ்களையும் இணையத்தில் பதிவேற்றிக் கொள்ளலாம்.

அவர்களது விவரப் பட்டியலில் அனைத்துச் சான்றிதழ்களும் கிடைக்கும். இதன் மூலம் விண்ணப்பதாரர்களின் சான்றிதழ்கள் பணியில் அமர்த்துபவர்களுக்கு எளிதில் கிடைப்பதோடு, சான்றிதழ்களைப் பெறுவதற்காக பல்கலைக்கழகங்களை நேரில் அணுகுவதும் குறையும்"என்று அவர் கூறினார்.

முகநூலில் எங்கள் செய்திகளை படிக்க க்ளிக் செய்யவும்


Loading...