News
Loading...

#டெங்கு #சிக்குன்குனியா செய்யக்கூடியவை - கூடாதவை

டெங்கு, சிக்குன்குனியா; செய்யக் கூடியவை; கூடாதவை

புதுதில்லி: ஒவ்வொரு பருவ மாற்றத்துக்கும் டெங்கு, சிக்குன்குனியா போன்ற தொற்று நோய்களால் பாதிக்கப்படும் மக்களின் எண்ணிக்கை அதிகரித்து வருகிறது.

அரிய வகை கொசுக்களால் பரவும் இந்த நோய்களில் இருந்து மழை காலத்தில் பொதுமக்கள் தங்களை தற்காத்துக்கொள்ள சில முன்னெச்சரிக்கை பாதுகாப்பு வழிமுறைகள்.

டெங்கு அறிகுறிகள்:

நோய் தடுப்பு பாதுகாப்பு மையத்தின் தகவலின்படி, டெங்குக்கான முதல் அறிகுறியாக காய்ச்சல், தலைவலி, மூட்டு வலி, கண் வலி, பல் ஈர் மற்றும் மூக்கில் இருந்து ரத்தம் வெளியேறும் என கூறப்பட்டுள்ளது. இந்த அறிகுறிகள் அனைத்தும் 3-7 நாட்களுக்கு நீடித்தால் பாதிக்கப்பட்டவர்கள் உடனடியாக சிகிச்சை பெற வேண்டும் என அறிவுறுத்தியுள்ளது. இதன் அடுத்த கட்டமாக விரட்டு வலி, ரத்த வாந்தி, மயக்கம் ஏற்படும். இதனை கண்டுக்காமல் போனால் உடல் உறுப்புகள் பழுதாக வாய்ப்புள்ளது எனவும் எச்சரித்துள்ளனர்.

சிக்குன்குனியா அறிகுறிகள்:

சிக்குன்குனியா நோய்க்கான முதல் அறிகுறிகளாக அதிகபடியான காய்ச்சல், கடுமையான மூட்டு வலி, எலும்புகள் வலி, தோல் அலர்ஜி உண்டாகும்.

இதற்கான பாதுகாப்பு முன்னெச்சரிக்கைகள்:

* ஓய்வு,சோர்வடையாமல் இருக்க நீராகாரம் எடுத்துக் கொள்ள வேண்டும். 24 மணி நேரமும் காய்ச்சல் இருந்தால் உடனடியாக மருத்துவரை அணுகவும்.

* கொசு வலைகள் பயன்படுத்தி, உடல் முழுவதும் மூடுவது போன்ற ஆடைகளை அணிந்துக் கொள்ள வேண்டும். கழிவுகளை வெளியேற்றி, இருக்கும் இடத்தை சுத்தமாக வைத்துக் கொள்ள வேண்டும்.

செய்யக் கூடாதவை:

* ஏடிஸ் கொசுக்கள் சுத்தமான நீரில் உற்பத்தியை பெருக்கி டெங்கு, சிக்குன்குனியா போன்ற நோய்களை பரப்புகிறது. ஆகையால் வீட்டை சுற்றி கொசுக்கள் உற்பத்தியாகாமல் இருக்க நீர் தேங்காமல் பார்த்துக் கொள்ளவும். வீட்டில் உள்ள பாத்திரங்களிலும் நீரை மாற்றி வைக்க வேண்டும்.

* கொசுக்கடியில் இருந்து தப்பிக்க மருந்துகள் உடலில் தேய்ப்பவர்கள் வீட்டில் உள்ள குழந்தைகளுக்கு தேக்க வேண்டாம். 10% டிஇஇடி இருக்கும் மருந்துகளை மட்டும் பயன்படுத்தவும்.

* கொசுக்கடி மருந்துகளை உள்ளங்கை, கண், வாய் பகுதியில் போட வேண்டாம். கர்ப்பிணி பெண்கள், தாய்ப்பால் கொடுக்கும் பெண்கள், பச்சிளம் குழந்தைகள் மருந்தின் வீரியத்தை பொறுத்து பயன்படுத்த வேண்டும்.

* இருண்ட நிறங்களை தான் கொசுக்கள் தேடும். ஆகையால் இருள் நிற ஆடைகளை தவிர்க்கவும். மேலும், இறுக்கமான ஆடைகளை அணிவதையும் தவிர்க்கவும்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.