News
Loading...

பொது இடங்களில் இலவச Wi-Fi வழங்கப்படும் : Google அறிவிப்பு

இலவச Wi-Fi : Google அறிவிப்பு

தனது பிறந்தநாள் விருந்தாக இலவச வைஃபை வசதி வழங்கப்படும் என இணைய தேடுபொறி ஜாம்பவானான கூகுள் நிறுவனம் அறிவித்துள்ளது.

கூகுள் நிறுவனம் இன்று தனது 18-வது பிறந்தநாளை கொண்டாடுகிறது. இதனை கொண்டாடும் விதமாக தில்லி அருகே நிகழ்ச்சி ஒன்றுக்கு ஏற்பாடு செய்யப்பட்டிருந்தது.

அதில், அந்நிறுவனத்தின் மூத்த அதிகாரி சீஷர் சென்குப்தா கலந்து கொண்டார். அப்போது அவர் பேசியதாவது: பொதுமக்கள் அதிகமாக கூடுகின்ற வணிக வளாகங்கள், மெட்ரோ ரயில் நிலையங்கள், உணவு விடுதிகள் மற்றும் பல்கலைக்கழகங்கள் ஆகிய இடங்களில் இலவச வைஃபை' வசதி வழங்கப்படும் என்றார்.

கூகுள் ஸ்டேஷன் என்ற கட்டமைப்பின் மூலமாக இந்த வசதி வழங்கப்படும் என்று குறிப்பிட்ட அவர், சில நிமிடங்கள் நடந்து சென்றால் தங்களுக்கான அதிவேக இணைய வசதியை பொது மக்கள் பெற முடியும் என்றும் தெரிவித்தார்.

ரயில்வேத் துறையின் "ரயில்டெல்" நிறுவனத்துடன் இணைந்து நாடுமுழுவதும் 52 ரயில் நிலையங்களில் இலவச 'வைஃபை' வசதியை கூகுள் நிறுவனம் தற்போது வழங்கி வருகிறது என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.