News
Loading...

பாராஒலிம்பிக்கில் பதக்கம் வெல்பவர்களுக்கு பரிசு!

பாராஒலிம்பிக்கில் பதக்கம் வெல்பவர்களுக்கு பரிசு

புதுடில்லி: ஒலிம்பிக்கை தொடர்ந்து நடக்கும் பாரா ஒலிம்பிக் போட்டிகளில் பதக்கம் வெல்பவர்களுக்கும் பரிசுத்தொகை அறிவிக்கப்பட்டுள்ளது.

பிரேசிலின் ரியோ டி ஜெனிரோவில் 31வது ஒலிம்பிக் போட்டிகள் கோலாகலமாக முடிந்தது. இதன்பின் தற்போது, மாற்றுத்திறனாளிகளுக்கான பாரா ஒலிம்பிக் போட்டிகள் நடக்கவுள்ளது.



ஒலிம்பிக் போட்டிகளைப்போல,பாரா ஒலிம்பிக் போட்டிகளிலும் இதுவரை இல்லாத அளவில் இந்தியா சார்பில் 17 வீரர், வீராங்கனைகள் இதில் கலந்து கொள்கின்றனர். இதில் பதக்கம் வெல்பவர்களுக்கு இந்திய விளையாட்டுத்துறை பரிசுத்தொகைகளை அறிவித்துள்ளது.



அதில், தங்கப்பதக்கம் வெல்வோருக்கு ரூ. 75 லட்சமும், வெள்ளிப்பதக்கம் வெல்வோருக்கு ரூ. 50 லட்சமும், வெண்கலப்பதக்கம் வெல்வோருக்கு ரூ. 30 லட்சமும் பரிசாக வழங்கப்படும் என டுவிட்டரில் தெரிவிக்கப்பட்டுள்ளது. 

 குறிப்பாக ஈட்டி எறிதல் வீரரான தேவேந்திர் மீது அனைவரின் கவனமும் விழுந்துள்ளது. கடந்த 2004 ஏதென்ஸ் ஒலிம்பிக் போல அவர் இம்முறையும் சாதிப்பார் என அதிக எதிர்பார்ப்பும் எழுந்துள்ளது. 

 இந்திய வீரர்கள் விவரம்: 

 மாரியப்பன் தங்கவேலு (உயரம் தாண்டுதல்), வருன் சிங் பாட்டி ((உயரம் தாண்டுதல்), சரத் குமார் ((உயரம் தாண்டுதல்), ராம்பால் சகார் ((உயரம் தாண்டுதல்), பூஜா (வில்வித்தை), சுந்தர் சிங் (ஈட்டி எறிதல்), தேவேந்தர் (ஈட்டி எறிதல்), ரின்கு (ஈட்டி எறிதல்), நரேந்தர் ரன்பிர் (ஈட்டி எறிதல்), சந்தீப் (ஈட்டி எறிதல்), அமித் குமார் சரோஹா (கிளப் துரோ), தரம்பிர் (கிளப் துரோ), தீபா மாலிக் (குண்டு எறிதல்), அன்குர் தமா, பாஷா பர்மான் (பவர் லிப்டிங்), நாராயண் ஜெய்தேவ் (நீச்சல்), நரேஷ் குமார் சர்மா (துப்பாக்கி சுடுதல்).

முகநூலில் எங்கள் செய்திகளை படிக்க க்ளிக் செய்யவும்


Loading...