News
Loading...

சாலை விபத்துகளை தடுக்கும் பொருட்டு 'புதிய ஆப்'

சாலை விபத்துகளை தடுக்கும் பொருட்டு 'புதிய ஆப்'

சாலை விபத்துகளை தடுக்கும் பொருட்டு ஜப்பானில் 'டிரைவிங் பாரிஸ்டா' எனும் மொபைல் அப்ளிகேஷனை உருவாக்கியுள்ளனர்.

சாலை விபத்தில் உயிரிழப்பவர்களின் எண்ணிக்கை அதிகரித்துள்ளதாக புள்ளி விபரங்கள் தெரிவிக்கின்றனர் . இதற்கு தீர்வுகாணும் முயற்சியாக ஜப்பானின் டொயோட்டா மற்றும் கொமேடா ஆகிய நிறுவனங்கள் இணைந்து 'டிரைவிங் பாரிஸ்டா' என்ற மொபைல் அப்ளிகேஷனை உருவாக்கியுள்ளனர்.

இந்த மொபைல் அப்ளிகேஷனைப் போனில் பதிவிறக்கம் செய்து, வாகனம் ஓட்டும்போது போனை ஒருபுறமாக சாய்த்து வைத்துவிட வேண்டும். எவ்வளவு தூரம் பயணம் செய்கிறோம் என்பதை ஜி.பி.எஸ். கணக்கிட்டுக்கொள்ளும். வாகனம் ஓட்டும் போது செல்போனைப் பயன்படுத்துவதைத் தடுப்பது குறித்து விழிப்புணர்வை ஏற்படுத்தும் வகையில் இந்த மொபைல் ஆப் உருவாக்கப்பட்டுள்ளது.

வாகனம் ஓட்டும்போது தொடர்ச்சியாக 100 கி.மீ. தூரம் செல்போனைப் பார்க்காமல் ஓட்டிவிட்டால், சூடான காபியோ, குளிர்ந்த காபியோ கடைகளில் இலவசமாக பெற்றுக்கொள்ளலாம்.

இந்த புதிய ஆப் குறித்து 'டொயோட்டோவின் நிர்வாக அதிகாரி ஷுய்சி முரகாமி கூறுகையில், சாலைப் பாதுகாப்புக்காக உருவாக்கப்பட்ட முதல் ஸ்மார்ட்போன் அப்ளிகேஷன் இது என்று தெரிவித்தார். இந்த முயற்சிக்கு வாகன ஓட்டிகள் ஒத்துழைப்பு அளிக்கும்பட்சத்தில், சாலை விபத்துகள் இல்லா பயணத்தை உறுதிப்படுத்தலாம் எனவும் நம்பிக்கை விதைக்கிறார்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.