News
Loading...

உள்ளாட்சி தேர்தல்: இன்று முதல் வேட்புமனு தாக்கல்

உள்ளாட்சி தேர்தல்: இன்று முதல் வேட்புமனு தாக்கல்

உள்ளாட்சி தேர்தலில் போட்டியிட விரும்புவோரின் வேட்புமனுக்கள் இன்று முதல் பெறப்படுகிறது.

தமிழ்நாட்டில் 12 மாநகராட்சிகள், 124 நகராட்சிகள், 31 மாவட்ட பஞ்சாயத்துகள், 385 பஞ்சாயத்து யூனியன்கள், 528 பேரூராட்சிகள், 12,524 கிராம பஞ்சாயத்துகள் உள்ளன. இந்த அமைப்புகளில் பதவியில் இருப்பவர்களின் 5 ஆண்டுகள் பதவிக்காலம், வருகிற அக்டோபர் மாதத்துடன் முடிவடைகிறது.

இந்நிலையில், தமிழகத்தில் மாநகராட்சி, நகராட்சி, மூன்றாம் நிலை நகராட்சி, பேரூராட்சி, ஊராட்சிகளில் உள்ள உள்ளாட்சி பதவிகளுக்கான தேர்தல்கள் வருகிற அக்டோபர் 17 மற்றும் 19-ஆம் தேதிகளில் இரண்டு கட்டங்களாக நடைபெறும் என தேர்தல் ஆணையம் அறிவித்துள்ளது.

மேலும், வேட்பு மனு தாக்கல் 26-ம் தேதி (இன்று), வேட்பு பரிசீலனை அக்டோபர் 4-ம் தேதி, வேட்பு மனு வாபஸ் அக்டோபர் 6-ம் தேதி தேர்தல் முதல் கட்டம் அக்டோபர் 17-ம் தேதி, தேர்தல் இரண்டாம் கட்டம் அக்டோபர் 19-ம் தேதி, வாக்கு எண்ணிக்கை அக்டோபர் 21-ம் தேதிகளில் நடைபெறும் என்றும், தினமும் காலை 10 மணி முதல் மாலை 5 மணி வரை வேட்புமனு தாக்கல் செய்யலாம். வேட்புமனுக்கள் ஆய்வு அக்டோபர் 4-ம் தேதியன்று காலை 10 மணிக்கு தொடங்கும் என்றும் தேர்தல் ஆணையம் அறிவித்துள்ளது.

அதன்படி, உள்ளாட்சி தேர்தலில் போட்டியிட விரும்புவோரின் வேட்பு மனுக்கள் இன்று காலை 10 மணி முதல் பெறப்படும்.

இதனிடையே, உள்ளாட்சி தேர்தல் தேதி அறிவிக்கப்பட்டதால் தேர்தல் விதியும் அமலுக்கு வந்துள்ளது. மேலும், தமிழகம் முழுவதும் தேர்தலை கண்காணிக்க 37 பார்வையாளர்கள் நியமிக்கப்பட்டுள்ளனர்.

அதேசமயம், 6.5 லட்சம் வாக்குச்சாவடி அலுவலர்கள் பணியில் ஈடுபடுத்தப்படுவர் என்றும், உள்ளாட்சி தேர்தலுக்கு நான்கு விதமான வாக்குச் சீட்டுகள் பயன்படுத்தப்படும் என்றும் தெரிவிக்கப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.