News
Loading...

ஆண் குழந்தை வேண்டி தனது பெண் குழந்தையை கொன்று பூஜை செய்த தாய்!

நேகா கோயல்

ஜெய்பூர் : ஆண் குழந்தை வேண்டி, அன்பை கொட்டி வளர்த்த தனது இரண்டாவது மகளை கொடூரமாக 17 முறை கத்தியால் குத்தி கொலை செய்து பூஜை நடத்திய தாயின் செயல் பரபரப்பு ஏற்படுத்தியுள்ளது.

நேகா கோயல் கடந்த ஆகஸ்ட் 26ம் தேதி அதிர்ச்சியோடு தனது குழந்தையை காணவில்லை என கத்தியுள்ளார். இதனால் குடும்பத்தினரும், பக்கத்து வீட்டாரும் குழந்தையை 2 மணி நேரத்திற்கும் தேடினர். காவல்நிலையத்தில் புகாரும் அளிக்கப்பட்டது.

போலீஸார் நேகா கோயல் வீட்டில் வந்து விசாரணை நடத்திய பொழுதுதான் நேகா தான் கொலை செய்தார் என கண்டுபிடித்தனர்.

போலீஸாரும் ஒரு மணி நேரத்திற்கும் மேலாக குழந்தையை தேடியதோடு, வீட்டை சோதனையிட்டனர். அப்போது வீட்டில் பயன்படுத்தப்படாமல் வைக்கப்பட்டிருந்த ஒரு ஏ.சி.,யில் குழந்தை பேச்சு மூச்சற்ற நிலையில் ஒரு போர்வையில் கட்டப்பட்ட நிலையில் எடுத்தனர்.

இதையடுத்து வீட்டில் இருக்கும் நபர்களை ஒவ்வொருவராக போலீசார் விசாரணை நடத்தினர். இதில் நேகா மிகவும் பதற்றமாக இருப்பதும் அவர் கொலை செய்ததும் தெரிய வந்தது.

கோயல் தெரிவிக்கையில், "தனக்கு இரண்டு பெண் குழந்தைகள் பிறந்தது. எனக்கு ஆண் குழந்தை வேண்டும் என மிகவும் ஆசை. அதன் காரணமாக இரண்டாவது பெண் குழந்தையை கொலை செய்து பூஜை நடத்தினால் எனக்கு ஆண் குழந்தை பிறக்க பாக்கியம் கிட்டும் என்ற நம்பிக்கையில் கொலை செய்தேன்" என தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...