News
Loading...

‘பாகிஸ்தான் மக்களில் 80% பேர் சுகாதாரமற்ற நீரை குடிக்கின்றனர்’

சுகாதாரமற்ற நீரை குடிக்கின்றனர்

பாகிஸ்தான் நாட்டு மக்களில் 80% பேர், சுகாதாரமற்ற நீரையே குடிப்பதாக, அதிர்ச்சி தகவல் வெளியாகியுள்ளது.

இதனை அந்நாட்டு அரசே உறுதிப்படுத்தியும் உள்ளது. இதுதொடர்பாக, பாகிஸ்தான் நீர்வள ஆராய்ச்சித் துறை தரப்பில் விரிவான ஆய்வு ஒன்றும் நடத்தப்பட்டுள்ளது. அந்நாட்டின் பல்வேறு பகுதிகளைச் சேர்ந்த 24 மாவட்டங்களில் உள்ள 2,807 கிராமங்களில் வசிக்கும் மக்கள் பயன்படுத்தும் குடிநீர் மாதிரிகளை சேகரித்து, பரிசோதிக்கப்பட்டது.

அதில், 69 சதவீதம் முதல், 82 சதவீதம் வரையான குடிநீர் மாதிரிகள் மாசுபடிந்ததாகவும், குடிப்பதற்கே தகுதியற்ற நிலையில் உள்ளதாகவும் தெரியவந்துள்ளது. பாக்டீரியா, ஆர்சனிக் உள்ளிட்ட ரசாயனங்கள் மட்டுமின்றி, சேறு, சகதியும் நீரில் அதிகளவில் உள்ளதாக, அதிகாரிகள் குறிப்பிட்டுள்ளனர்.

இவற்றை பருகுவதால், காலரா, டயரீயா, பேதி, டைஃபாய்டு மற்றும் கல்லீரல் நோய் போன்றவை ஏற்படும். மேலும், நீரிழிவு, தோல் அலர்ஜி, சிறுநீரகம் செயலிழத்தல், மாரடைப்பு, உயர் ரத்த அழுத்தம் உள்ளிட்ட நாள்பட்ட பாதிப்புகளையும் இந்த மாசுபட்ட குடிநீர் ஏற்படுத்தக்கூடும் என்றும், பாகிஸ்தான் நீர்வளத்துறை அதிகாரிகள் தெரிவித்துள்ளனர்.

போர்க்கால அடிப்படையில், நாட்டில் உள்ள நீராதாரங்களை சீர்படுத்த வேண்டிய கட்டாயம் ஏற்பட்டுள்ளதாகவும் அவர்கள் சுட்டிக்காட்டியுள்ளனர்.

முகநூலில் எங்கள் செய்திகளை படிக்க க்ளிக் செய்யவும்


Loading...