News
Loading...

பாரா ஒலிம்பிக் போட்டிகள் இன்று துவக்கம்..!

பாரா ஒலிம்பிக்

மாற்றுத்திறனாளிகளுக்கான பாரா ஒலிம்பிக் போட்டிகள் பிரேசிலின் ரியோ டி ஜெனிரோ நகரில் இன்று மாலை துவங்க உள்ளன.

பல்வேறு நாடுகளின் ஆயிரக்கணக்கான வீரர், வீராங்கனைகள் கலந்து கொண்ட ரியோ ஒலிம்பிக் போட்டிகள் சமீபத்தில் நடந்து முடிந்தன. இதனை தொடர்ந்து நான்கு ஆண்டுகளுக்கு ஒருமுறை நடைபெறும் மாற்றுத்திறனாளிகளுக்கான பாரா ஒலிம்பிக் போட்டிகள் ரியோ டி ஜெனிரோ நகரில் இன்று மாலை தொடங்க உள்ளன. இந்திய நேரப்படி மாலை 5.30 மணியளவில் ரியோ டி ஜெனிரோ நகரில் அமைந்துள்ள மரக்காணா அரங்கில் பாரா ஒலிம்பிக் போட்டியின் கண்கவர் துவக்க விழா நிகழ்ச்சி நடைபெற உள்ளது.

இன்று தொடங்கி வரும் செப்டம்பர் 18-ஆம் தேதி வரை பாரா ஒலிம்பிக் போட்டிகள் நடைபெறும். இதில் 22 வகையான போட்டிகளில் 526 பதக்கங்கள் வழங்கப்பட உள்ளன. பாரா ஒலிம்பிக் போட்டிகளுக்கான டிக்கெட் விற்பனையில் சுணக்க நிலை காணப்படுவதால், போட்டிகளுக்கான ஏற்பாடுகள் சரிவர செய்யப்படவில்லை என்ற குற்றச்சாட்டும் எழுந்துள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...