News
Loading...

காணொலி காட்சி மூலம் தமிழக விவசாயிகளுடன் பிரதமர் மோடி இன்று ஆலோசனை

காணொலி காட்சி மூலம் தமிழக விவசாயிகளுடன் பிரதமர் மோடி இன்று ஆலோசனை

கடலூர்: புதிய ரக வேளாண் விளைபொருட்களை அறிமுகப்படுத்தி, காணொலி காட்சி மூலம் தமிழக விவசாயிகளுடன் பிரதமர் மோடி இன்று ஆலோசனை நடத்துகிறார்.

மத்திய அரசின் கட்டுப்பாட்டின் கீழ் செயல்பட்டு வரும் ஆய்வறிவு மற்றும் தொழில் சார்ந்த ஆராய்ச்சி மன்றம், கிராம முன்னேற்றத் திட்டத்தின் கீழ் விவசாயிகள் பயன்பெறும் வகையில் புதிய ரக வேளாண் விளைபொருள்களை பிரதமர் மோடி இன்று அறிமுகம் செய்து வைக்கிறார். இதையடுத்து காணொலி காட்சி மூலம் விவசாயிகளுடன் ஆலோசனை நடத்த உள்ளார்.

இதற்காக கடலூர் அருகே உள்ள நொச்சிக்காடு கடற்கரையோர கிராமம் தேர்வு செய்யப்பட்டுள்ளது. இந்த விவசாயிகளுக்கு உத்தரப்பிரதேசத்திலிருந்து சிம்சமர்த்தி என்ற புதிய வெட்டிவேர் ரகத்தை பிரதமர் இன்று அறிமுகப்படுத்துகிறார். இந்த வெட்டிவேர் விவசாயிகள் அதிக லாபம் ஈட்டும் வகையில் உதவும் எனவும் தெரிவிக்கப்பட்டுள்ளது.

இதற்கான விழா நொச்சிக்காடு கிராமத்தில் திங்கள்கிழமை காலை 10 மணிக்கு நடைபெறுகிறது. இந்த நிகழ்ச்சியில் மாவட்ட ஆட்சியர் மற்றும் வேளாண் துறை அதிகாரிகளும் 300-க்கும் மேற்பட்ட விவசாயிகளும் பங்கேற்கின்றனர். பிரதமர் மோடியுடன் கலந்துரையாடுவதற்காக நொச்சிகாடு கிராம விவசாயிகள் 5 பேர் தேர்வு செய்யப்பட்டுள்ளனர்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.