News
Loading...

கின்னஸ் உலக சாதனை படைக்கும் மோடியின் பிறந்தநாள் கேக்

கின்னஸ் உலக சாதனை படைக்கும் மோடியின் பிறந்தநாள் கேக்

இந்திய பிரதமர் நரேந்திரமோடி இன்று தனது 66வது பிறந்தநாளை கொண்டாடுகிறார். இதனையொட்டி குஜராத் மாநிலம் காந்திநகரில் வசிக்கும் தனது தாய் ஹீராபென் மோடியிடம் ஆசிர்வாதம் பெறுவதற்கு இன்று தனி வாகனத்தில் புறப்பட்டு சென்றுள்ளார்.

மோடியின் 66வது பிறந்தநாள் காரணமாக சூரத்தை மையமாகக் கொண்ட பிரபல கேக் பேக்கரி நிறுவனமான அடுல் பேக்கரி நிறுவனம் மோடிக்கு பிறந்தநாள் கேக்காக பிரமீட் வடிவத்தில் மிகப்பெரிய ஒன்று வடிவமைத்துள்ளது. அந்த கேக் கின்னஸ் சாதனை படைக்கும் என்று எதிர்பார்க்கப்படுகிறது. கிட்டத்தட்ட 1.74மீட்டர் அல்லது (5'8.5") உயரம் இருக்கும் இந்த கேக்கை வடிவமைக்க அடுல் பேக்கரி நிறுவனத்தின் 20 பெண்கள் பணியாற்றியுள்ளனர்.

மோடியின் பிறந்தநாளுக்காக வடிவமைக்கப்பட்ட இந்த சிறப்புமிக்க பிரமீட் கேக் பெண்களின் மேம்பாடு, பேட்டி பச்சாவ் மற்றும் பேட்டி பதாவ் ஆகியவற்றை நினைவுகூறும் வகையிலும் அமைந்துள்ளது.

சூரத்தில் இருக்கும் வெசு, மலிபா பார்ட்டி பிளாட்டில் அமைக்கப்பட்டுள்ள கூட்டத்தில் சிறுவர், சிறுமியர்கள் உள்பட 5000 பெண்கள் கலந்து கொள்ளும் கூட்டத்தில், மனநலம் பாதிக்கப்பட்ட பெண்கள் மோடிக்காக வடிவமைக்கப்பட்டுள்ள இந்த பிரமீடு கேக்கை வெட்டி கொண்டாடி மகிழ்கின்றனர்.

இந்நிகழ்ச்சியில், புதுடெல்லியை மையமாகக் கொண்ட கித்தார், வயலின் வித்வான்கள் கலந்து கொண்டு மோடியின் பிறந்தநாள் மியூசிக்கை வாசிக்கின்றனர். இவர்கள் தவிர நாடு முழுவதிலும் இருந்து 1000க்கும் மேற்பட்ட கித்தார் வித்வான்கள் கலந்து கொள்கின்றனர். மேலும், மாற்றுத்திறனாளி குழந்தைகளுக்கு 100 கித்தார் பரிசாக வழங்கப்படுகிறது என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...