News
Loading...

வெள்ளோடு பறவைகள் சரணாலயத்தில் சீசன் தொடங்கியது!

வெள்ளோடு பறவைகள் சரணாலயம்

ஈரோடு மாவட்டம் வெள்ளோடு பறவைகள் சரணாலயத்தில், முன்கூட்டியே சீசன் தொடங்கியுள்ளது.

கீழ்பவானி வாய்க்காலில் இருந்து வெளியேறும் கசிவுநீர், ஈரோடு அருகே உள்ள வெள்ளோடு பறவைகள் சரணாலயத்தில் தேக்கி வைக்கப்பட்டுள்ளது. இக்குளத்தில் ஆண்டு முழுவதும் தண்ணீர் வற்றாமல் தேங்கி நிற்கும். தற்போது கீழ்பவானி வாய்க்காலில் தண்ணீர் திறக்கப்படாததால் குளத்தின் நீர்பரப்பு குறைந்துள்ளது.

இதன்காரணமாக, புழுப்பூச்சிகள், மீன்கள் தாராளமாகக் கிடைப்பதால் சரணாலயத்திற்கு பறவைகள் வரத்து வெகுவாக அதிகரித்து விட்டது. ஆஸ்திரேலியாவிலிருந்து வரும் பெலிக்கான் பறவைகள் இந்த ஆண்டு முன்கூட்டியே அதிகளவில் குவியத்தொடங்கி உள்ளன.

இதுபற்றி வனத்துறையினர் சிலர் கூறுகையில், ''வெள்ளோடு பறவைகள் சரணாலயத்தில் தற்போது உள்நாட்டு பறவைகளான வண்ண நாரை, நெடுங்கால் உள்ளான், பொறி உள்ளான், நீலவால் இரைக்கோழி, சிறிய நீர்காகம், சாம்பல்நாரை, வால் காக்கை உள்ளிட்ட ஏராளமான பறவைகள் உள்ளன. 

குறிப்பாக, பெலிக்கான் பறவைகள் வழக்கமாக, அக்டோபர் அல்லது நவம்பர் மாதங்களில் தான் வரத்துவங்கும். நடப்பாண்டில் முன்கூட்டியே வரத்தொடங்கிவிட்டன,'' என்றனர்.

முகநூலில் எங்கள் செய்திகளை படிக்க க்ளிக் செய்யவும்


Loading...