News
Loading...

உங்க டி-சர்டில் இருந்து இனி மின்சாரம் எடுக்கலாம்!

உங்க டி-சர்டில் இருந்து இனி மின்சாரம் எடுக்கலாம்!

வாசிங்டன் : அறிவியல் அறிஞர்கள், நாம் அணியும் டி-சர்டில் இருந்து மின்சாரம் எடுக்கும் விதமாக ஒரு புதிய தொழில்நுட்பத்தை உருவாக்கியுள்ளனர்.

மனிதனுக்கு மின்சாரத்தேவை இன்றியமையாத ஒன்றாக மாறிவிட்டது. இதனால் பல்வேறு விதமாக மின்சார உற்பத்தி செய்யும் வழிகளை ஆராய்ந்து வருகின்றனர். இந்த வரிசையில் அமெரிக்க பொறியாளர்கள் நாம் அணியும் டி-சர்டில் இருந்து மின்சாரம் தயாரிக்கும் புதிய தொழில்நுட்பத்தை உருவாக்கியுள்ளனர்.

ஆராய்ச்சியாளர்கள் நமது உடல் வெப்பத்திலிருந்தும், சுற்றுப்புறத்தில் உள்ள வெப்பத்தில் இருந்து மின்சாரத்தை எடுக்கும் விதமாகவும், நாம் அணிந்து கொள்ளக் கூடிய வகையில் ஒரு நெகிழும் தன்மையுடைய ஒரு கருவியை கண்டறிந்துள்ள்னர். இந்த சாதனம் வெறும் 2 மி.மீ தடிமனை மட்டுமே கொண்டதாக அமைத்துள்ளனர்.

இந்த தொழில்நுட்பத்தின் மூலம் ஒரு சதுர சென்டி மீட்டரில் 20 மைக்ரோ வாட் மின்சாரம் உற்பத்தியாகும் வகையில் உருவாக்கப்பட்டுள்ளது. இந்த சாதனத்தை நாம் அணியும் டி-சர்ட்டில் அணியும் வகையில் பொருத்தி அதன் மூலம் அதிகளவில் மின்சாரத்தை எடுக்க முடியும் என தெரிவித்துள்ளனர்.

இந்த சாதனத்தை கூறிய அறிஞர் வசாயி, "இந்த சாதனம் சோதனையில் உள்ளது. இதன் மூலம் நமக்கு தேவையான மின்சாரத்தை உருவாக்க முயற்சி மேற்கொண்டுள்ளோம். இதை அணியும் வகையில் உருவாக்கப்படுவதால், மனிதனின் உடலுக்கு ஏதேனும் பாதிப்பு ஏற்படுமா, உடல் நிலையில் மாற்றம் ஏற்படுமா என சோதனை செய்துவருகின்றோம்." என தெரிவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...