News
Loading...

ரேஷன் வாங்கினால் எஸ்எம்எஸ் மூலமாக ரசீது வழங்கப்படும்!

ரேஷன் வாங்கினால் எஸ்எம்எஸ் மூலமாக ரசீது வழங்கப்படும்!

தமிழகத்தில் உள்ள ரேஷன் கடைகளில் அடுத்த மாதம் முதலாக, பேப்பரில் பில் கொடுப்பதற்குப் பதிலாக, எஸ்எம்எஸ் மூலமாக ரசீது கொடுக்க ஏற்பாடு செய்யப்பட்டுள்ளது.

மாறிவரும் உலக சூழலுக்கு ஏற்ப, மாநிலம் முழுவதும் ரேஷன் கடைகளில் காகிதத்தில் பில் அல்லது ரசீது தரும் பழக்கத்தை மாற்றி, வாடிக்கையாளர்களின் செல்ஃபோன் எண்களில் எஸ்எம்எஸ் வடிவில், அவர்கள் ரேஷன் கடையில் வாங்கும் பொருட்களுக்கான பில் அனுப்பும் முறையை கொண்டுவர உணவுத்துறை அதிகாரிகள் ஏற்பாடு செய்துள்ளனர்.

இதன்மூலமாக, மாநிலம் முழுவதும் விநியோகிக்கப்படும் இலவச அரிசி, சர்க்கரை, பருப்பு போன்றவற்றை வாங்கும் பயனாளிகளின் விவரம் தமிழக அரசுக்கு தெரியவரும். அத்துடன், போலி ரசீது போட்டு, ரேஷன் பொருட்களை கொள்ளையடிப்பது முற்றாக தடை செய்யப்படும்.

பொருட்கள் வாங்குவோருக்கே, எஸ்எம்எஸ்., பில் அனுப்பப்படும் என்பதால், வாங்காதபோது, எஸ்எம்எஸ்., பில் வந்தால் உடனே, வாடிக்கையாளர்களுக்கு தங்களது பெயரில் நடைபெறும் மோசடி தெரியவரும். அவர்கள் உணவுத்துறை அல்லது சம்பந்தப்பட்ட அரசு அதிகாரிகளுக்கு புகார் செய்வார்கள். இதன்மூலமாக, உணவுப்பொருள் விநியோகத்தை சீர்படுத்த முடியும் என்று, அரசு அதிகாரிகள் குறிப்பிட்டுள்ளனர்.

அக்டோபர் 1ம் தேதி முதல், இந்த எஸ்எம்எஸ் ரசீது வழங்கும் சேவை முறை அமலுக்கு வரும் என்றும் கூறப்படுகிறது.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.