News
Loading...

சென்னையில் மின்சார ரயில் மோதி நால்வர் பலி..!

சென்னையில் மின்சார ரயில் மோதி நால்வர் பலி

சென்னை நுங்கம்பாக்கம் அருகே மின்சார ரயில் மோதி வட மாநிலத்தவர் நான்கு பேர் பலியாகியுள்ளனர்.

சென்னை நுங்கம்பாக்கம் -சேத்துப்பட்டுக்கு இடையிலான ரயில் பாதையில் இந்த விபத்து நடைபெற்றுள்ளது. சம்பவம் நடைபெற்ற பகுதிக்கு அருகில் பச்சையப்பன் கலைக்கல்லூரி இருப்பதால், தண்டவாளத்தில் சிலர் அடிபட்டு கிடப்பதை பார்த்து காவல் துறையினருக்கு கல்லூரி மாணவர்கள் தகவல் அளித்துள்ளனர்.

இந்த விபத்தில் சம்பவ இடத்திலேயே மூவர் பலியாகியுள்ளனர். உயிருக்கு போராடிக் கொண்டிருந்த ஒருவரை காவல் துறையினர் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அவரும் சிறிது நேரத்திலேயே மருத்துவமனையில் சிகிச்சை பலனின்றி உயிரிழந்தார். இதனால் பலி எண்ணிக்கை நான்காக உயர்ந்துள்ளது.

முதல் கட்ட விசாரணையில் விபத்தில் பலியானவர்கள் வட மாநிலத்தை சேர்ந்தவர்கள் என்பதும் கூலி வேலை செய்பவர்கள் என்பதும் தெரிய வந்துள்ளது. இந்த சம்பவம் விபத்தா?அல்லது தற்கொலை செய்து கொள்ளும் நோக்கத்தோடு மின்சார ரயிலில் விழுந்தார்களா? என்பது குறித்து காவல்துறையினர் விசாரணை நடத்தி வருகின்றனர்.

முகநூலில் எங்கள் செய்திகளை படிக்க க்ளிக் செய்யவும்


Loading...