News
Loading...

பேன், தலை அரிப்பை போக்கும் வைத்தியம்!!

பேன், தலை அரிப்பை போக்கும் வைத்தியம்!!

தாங்க முடியாத தலை அரிப்பால் அடிக்கடி தலைக்குள் கைவிட்டு சொறிந்து கொண்டு இருப்பவர்களுக்கும், கூந்தல் பிசுபிசுப்பால் தலையில், `குப்'பென்று அடிக்கிற வியர்வை துர்நாற்றத்தால் நொந்து போகிறவர்களுக்கும் பலன் கொடுக்கும் வைத்தியம் இது..!

தேவையான பொருட்கள்:

வேப்பிலை தூள்- அரை டீஸ்பூன், கடுக்காய்த்தூள்- அரை டீஸ்பூன், வெந்தயத்தூள் - 2 டீஸ்பூன், பயத்தமாவு-2 டீஸ்பூன், எலுமிச்சைச்சாறு - 1டீஸ்பூன்.

இவற்றுடன் வெந்நீரை கலந்து அதனை பேஸ்ட்டு போல் செய்து கொள்ளுங்கள். இதனை தலைக்கு அப்ளை செய்து பத்து நிமிடம் கழித்து அலசுங்கள். வாரம் ஒரு முறை இந்த `பேக்' போட்டுப் பாருங்கள். பிசு பிசுப்பு, வியர்வை துர் நாற்றத்திலிருந்து நிரந்தரமாக விடுதலையாகி விடுவீர்கள்.

சீயக்காயுடன் வேப்பம்பட்டையை உலர்த்தி அரைத்தும் பயன்படுத்தலாம். தலை அரிப்பு ஓடியே போய்விடும்.

பேன் தொல்லைக்கு ஒரேயடியாக முடிவு கட்டும் ட்ரீட்மெண்ட்:

தேவையான பொருட்கள்:

வேப்பிலை-1 பிடி, சீயக்காய்-5, தோல் நீக்கிய கடுக்காய்-1, கொட்டை எடுத்த புங்கங் கொட்டை-3, செம்பருத்தி இலை-1 பிடி.

இவற்றை இரவே தண்ணீரில் ஊறவிடுங்கள். காலையில் அரைத்து அந்த விழுதை தலையில் தேய்த்துக் குளியுங்கள். இந்த வாசனைக்கே பேன் தப்பித்து ஓடுவதுடன், உங்கள் தலை பக்கம் இனிமேல் எட்டிப் பார்க்கக்கூடப் பயப்படும்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.