News
Loading...

ஊர்மக்கள் புறக்கணிப்பு: இறந்த தாயின் உடலை அடக்கம் செய்ய சுமந்து சென்ற மகள்கள்

ஊர்மக்கள் புறக்கணிப்பு: இறந்த தாயின் உடலை அடக்கம் செய்ய சுமந்து சென்ற மகள்கள்

காலஹந்தி: ஊர்மக்கள் புறக்கணித்ததால், இறந்த தாயின் உடலை அடக்கம் செய்ய, அவரது உடலை 4 மகள்களும் சுமந்து சென்ற சம்பவம் பெரும் அதிர்ச்சியை ஏற்படுத்தியுள்ளது.

ஒடிசா மாநிலம் காலஹந்தியைச் சேர்ந்தவர் 75 வயது மூதாட்டி. இவர் தொழுநோயால் பாதிக்கப்பட்டிருந்ததால், அக்கிராம மக்கள் அவரை புறக்கணித்து வந்தனர். மூதாட்டியின் 4 மகள்களும், அவரை பாதுகாத்து வந்தனர். இந்நிலையில் கடந்த வெள்ளிக்கிழமை அன்று, மூதாட்டி உடல்நலக்குறைவால் உயிரிழந்தார்.

ஊர்மக்கள் புறக்கணிப்பு: இறந்த தாயின் உடலை அடக்கம் செய்ய சுமந்து சென்ற மகள்கள்

இந்நிலையில் அவரை அடக்கம் செய்ய ஊர்மக்கள் யாரும் உதவி செய்ய முன்வரவில்லை. இதனையடுத்து கடந்த 2 இரண்டு நாட்களாக மூதாட்டியின் உடல் ஆதரவற்ற நிலையில் வைக்கப்பட்டிருந்தது. இதனைத்தொடர்ந்து மூதாட்டியின் 4 மகள்களும், அவரது உடலை அடக்கம் செய்ய முன்வந்தனர். ஆனால் உடலை மயானம் வரை சுமந்து செல்வதற்கு போதிய வசதிகள் இல்லை.

இதையடுத்து அவர்கள் இருந்த வீட்டின் மேற்கூரையை பெயர்த்து, அதனை ஒன்றாக கட்டியுள்ளனர். பின்னர் மூதாட்டியின் உடலை அதில் வைத்து, மயானம் வரை கொண்டு சென்றனர். அங்கு 4 மகள்களும் சேர்ந்து இறுதிச் சடங்கு செய்துள்ளனர். இந்த சம்பவம் பெரும் அதிர்ச்சியை ஏற்படுத்தியுள்ளது. தீண்டாமை கொடுமையை ஒழிக்க ஏராளமானோர் போராடி சென்ற நிலையில், அவர்களது முயற்சிக்கு எந்த பலனும் அற்ற சூழல் நிலவுவது வேதனை அளிப்பதாக சமூக ஆர்வலர்கள் தெரிவித்துள்ளனர்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.