News
Loading...

ஆசி: திரை விமர்சனம்

ஆசி: திரை விமர்சனம்

நடிகர் : ரவி வாரஸ்மா
நடிகை  : பிரியா அஸ்மிதா
இயக்குனர் : வீரபாண்டியன் என் பி எஸ்
இசை : எஸ்.பி.வெங்கடேஷ்
ஒளிப்பதிவு : ஸ்ரீதர்-நட்ராஜ்

நாயகன் ரவி வர்ஸமாவுக்கு தங்கை மீது அளவு கடந்த பாசம். அவள் பரதநாட்டியம் கற்றுக் கொள்ள ஆசைப்பட்டாள் என்பதற்காக அதேஊரில் பரதநாட்டிய கலைஞரான நாயகி பிரியா அஸ்மிதாவிடம் தனது தங்கையை சேர்த்துவிடுகிறார். தனது தங்கையை அழைத்து வர அடிக்கடி அவளது வீட்டுக்கு நாயகன் செல்ல, இருவருக்கும் காதல் வளர்கிறது.

நாயகனின் தாய்மாமா ராஜ்கபூர் அதேஊரில் வெண்கல சிலை செய்யும் தொழில் செய்துவருகிறார். ராஜ் கபூரின் மகளுக்கு நாயகன் மீது ஆசை. ஆனால், நாயகனுக்கும், அவனது தங்கைக்கும் அவளை பிடிப்பதில்லை. இதனால், அவளை ஓரங்கட்டியே வருகின்றனர். ஒருகட்டத்தில் நாயகனின் தங்கையால்தான் அவன் தனது மகளை திருமணம் செய்ய மறுக்கிறான் என்று நினைக்கும் ராஜ்கபூர், நாயகனின் தங்கையை அழைத்து கண்டிக்கிறார். அப்போது, அவளை அடித்துவிட அவள் கீழே விழுந்து இறந்துபோகிறாள்.

இறந்துபோன உடலை மறைக்க அவளது உடலின் மீது வெண்கலத்தை உருக்கி ஊற்றி வெண்கல சிலையாக மாற்றிவிடுகிறார் ராஜ்கபூர். அதன்பிறகு, நாயகனின் தங்கை ஆவியாக மாறி சிலையில் இருந்து வெளியே வந்து தன்னை கொன்றவர்களை பலி வாங்க துடிக்கிறாள். 

இறுதியில் அந்த ஆவியிடமிருந்து ராஜ்கபூர் மற்றும் அவரது கூட்டாளிகள் தப்பித்தார்களா? இல்லையா? நாயகனும், நாயகியும் ஒன்று சேர்ந்தார்களா? என்பதுதான் மீதிக்கதை.

நாயகன் ரவி வர்ஸாமாவுக்கு படத்தில் நடிப்பதற்கு பெரிதாக வாய்ப்பு கொடுக்கப்படவில்லை. கொடுத்தவரைக்கும் தனது வேலையை ஓரளவுக்கு செய்திருக்கிறார். நாயகி பிரியா அஸ்மிதா பரதநாட்டிய கலைஞராக வருகிறார். ஆனால், எந்த காட்சியிலும் அதை தெளிவாக காட்டவில்லை. நாயகனின் தங்கையாக வரும் சிறுமிக்கு படத்தில் நிறைய காட்சிகள் இருக்கிறது. பேயாக வந்து பயமுறுத்துகிறார். ஆனால் நமக்குத்தான் பயம் வரவில்லை. 

படத்தில் நிறைய கிராபிக்ஸ் செய்திருக்கிறார்கள். ஆனால், எதுவும் தெளிவாக இல்லை. படத்தின் இயக்குனர் தற்போது தமிழ் சினிமாவில் பேய் படங்கள் கல்லா கட்டுவதை பார்த்து இவரும் ஒரு பேய் கதையை எடுத்திருக்கிறார். ஆனால், பார்த்து பார்த்து சலித்துப்போன ஒரு கதையையே எடுத்து வைத்துள்ளது ரசிக்க முடியவில்லை. மேலும், கதையின் நாயகர்கள் தேர்வும் சரியாக இல்லாதது படத்திற்கு மிகப்பெரிய தொய்வு.

பேய் படங்களுக்கு பின்னணி இசைதான் பலமாக இருக்கவேண்டும். ஆனால், இப்படத்தில் எஸ்.வி.வெங்கடேஷின் இசை திருப்தி கொடுக்கவில்லை. பாடல்கள் எல்லாம் ஒரே இரைச்சலாகத்தான் இருக்கிறது. ஸ்ரீதர்-நட்ராஜ் ஆகியோரின் ஒளிப்பதிவும் படத்திற்கு கைகொடுக்கவில்லை.

மொத்தத்தில் ‘ஆசி’ தூசி.

முகநூலில் எங்கள் செய்திகளை படிக்க க்ளிக் செய்யவும்


Loading...