News
Loading...

முதல்வர் உடல்நிலை குறித்து வதந்தி: மேலும் ஒருவர் கைது

முதல்வர் உடல்நிலை குறித்து வதந்தி: மேலும் ஒருவர் கைது

சென்னை: தமிழக முதல்வர் ஜெயலலிதாவின் உடல்நிலை குறித்து வதந்தி பரப்பியதாக மேலும் ஒருவரை போலீசார் கைது செய்துள்ளனர்.

கடந்த மாதம் 22 ஆம் தேதியன்று இரவில் தமிழக முதல்வர் ஜெயலலிதா, உடல்நலக் குறைவு காரணமாக திடீரென சென்னை கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார்.

மருத்துவர்களின் கண்காணிப்பில் இருக்கும் முதல்வர் நீண்ட நாட்கள் மருத்துவமனையில் தங்கி சிகிச்சை பெற வேண்டும் என #ApolloHospitals அப்பல்லோ மருத்துவமனை வெளியிட்டுள்ள செய்திக் குறிப்புகளில் குறிப்பிடப்பட்டுள்ளது. அதேசமயம், முதல்வரின் #Jayalalitha உடல்நிலை குறித்து பல்வேறு வதந்திகளும் பரவி வருகிறது.

இந்நிலையில், வதந்திகளை பரப்புவோர் மீது கடும் நடவடிக்கை எடுக்கப்படும் என காவல்துறை கடுமையான எச்சரிக்கைகளை விடுத்துள்ளது. முதல்வர் உடல்நிலை குறித்து வதந்தி பரப்பியதாக இதுவரை 8 பேரை குற்றப்பிரிவு சைபர் கிரைம் போலீசார் கைது செய்துள்ளனர்.

ஃபேஸ்புக்கில் வதந்தி பரப்பியதாக தூத்துக்குடியைச் சேர்ந்த சகாயத்தை சென்னை சைபர் கிரைம் காவல்துறையினர் கைது செய்துள்ளனர். இந்நிலையில், சமூக வலைத்தளங்களில் முதல்வர் உடல்நிலைக் குறித்து பகிரப்படும் வதந்திகளை தடுக்கும் விதமாக டுவிட்டர், ஃபேஸ்புக், வாட்ஸ் ஆப் உள்ளிட்ட சமூக வலைத்தள நிறுவனங்களுக்கு குற்றப்பிரிவு சைபர் கிரைம் போலீசார் இ-மெயில் அனுப்பியுள்ளனர். முதல்வர் குறித்த வதந்தி பரப்புவோரது கணக்குகளை முடக்க வேண்டும் எனவும் கோரிக்கை விடுக்கப்பட்டுள்ளதாக தகவல் தெரிவிக்கப்பட்டுள்ளது.

சமூக வலைதளங்களில் அவதூறாக பதிவு செய்த குற்றத்திற்காக 52 வழக்குகள் சென்னை மத்திய குற்றப்பிரிவில் பதிவு செய்யப்பட்டு, சம்பந்தப்பட்ட பதிவுகளை நீக்குவதற்கும், குற்றவாளிகளை கைது செய்வதற்காகவும் தீவிர நடவடிக்கை எடுக்கப்பட்டு வருகிறது என்று காவல்துறை தரப்பில் அண்மையில் வெளியிடப்பட்ட அறிக்கையிலும் குறிப்பிடப்பட்டிருந்தது.

முகநூலில் எங்கள் செய்திகளை படிக்க க்ளிக் செய்யவும்


Loading...