News
Loading...

பெங்களூருவில் 150 மின்சார பேருந்துகள் விரைவில் அறிமுகம்..!

பெங்களூருவில் 150 மின்சார பேருந்துகள் விரைவில் அறிமுகம்..!

சுற்றுச்சூழல் மாசுபாட்டைக் குறைப்பதற்காக பெங்களூரு நகரில் 150 மின்சார பேருந்துகள் விரைவில் அறிமுகப்படுத்தப்பட உள்ளன.

இந்த திட்டத்தின் சோதனை ஓட்டமானது கடந்த 2014-ஆம் ஆண்டு பிப்ரவரியில் தொடங்கியது. ஆனால் பல ஆண்டுகளாக மின்சார பேருந்துகளுக்கான ஆர்டர்கள் கொடுக்கப்படாமல் இருந்த நிலையில், தற்போது 150 மின்சார பேருந்துகள் வாங்க பெங்களூரு போக்குவரத்துக் கழகம் அனுமதி அளித்துள்ளது.

இதன் மூலம் இந்தியாவிலேயே மின்சார பேருந்துகள் ஓடும் முதல் நகரம் என்ற பெயரை பெங்களூரு பெறும். இந்த மின்சார பேருந்துகளில் எரிபொருள் சிக்கனம் மட்டுமின்றி,பராமரிப்பு செலவும் குறைவாகும்.
கடந்த 2014-ஆம் ஆண்டு மின்சார பேருந்து திட்டம் தொடங்கப்பட்ட போது அதன் விலை 2.9 கோடி.ஆனால் டீசலில் ஓடக்கூடிய ஏ.சி பேருந்தின் விலை 90 லட்சமாகும்.ஆனால் மின்சார பேருந்தில் ஒரு கிலோ மீட்டருக்கு 7 ரூபாயும்,டீசல் பேருந்தில் 18 ரூபாயும் செலவாகிறது.

சோதனை ஓட்டத்தின் போது மின்சார பேருந்தின் விலை அதிகமாக இருந்ததாகவும், தற்போது உள்நாட்டிலேயே மின்சார பேருந்து தயாரிக்கப்படுவதால் அவற்றின் விலை குறைய வாய்ப்புள்ளதாகவும் பெங்களூரு போக்குவரத்துக் கழகம் தெரிவித்திருந்தது. மேலும் மின்சாரப் பேருந்துகளை வாங்க மத்திய அரசு நிதியுதவியை எதிர்பார்த்து வருவதாகவும் கூறியுள்ளது.

டீசல், பெட்ரோல் வாகனங்களுக்கு பதிலாக ஒரு மின்சாரப் பேருந்தை பயன்படுத்தினால் ஒரு ஆண்டுக்கு 25 டன் கார்பை-டை-ஆக்சைடு வாயு வெளியேற்றத்தை குறைக்க முடியும் என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...