News
Loading...

சம்பளம் 30,000..!சொத்து மதிப்பு 6 கோடி..!-பலே பில் கலெக்டர் கைது

சம்பளம் 30,000..!சொத்து மதிப்பு 6 கோடி..!-பலே பில் கலெக்டர் கைது

ஹைதராபாத்தில் பணிபுரியும் பில் கலெக்டர் ஒருவரது வீட்டிலிருந்து 6 கோடி மதிப்பிலான சொத்து ஆவணங்களை லஞ்ச ஒழிப்புத் துறையினர் கைப்பற்றியுள்ளனர்.

நரசிம்ம ரெட்டி என்பவர் ஹைதராபாத்தில் அரசு பில் கலெக்டராக பணியாற்றி வருகிறார்.இந்நிலையில் சதவாகான நகரில் அமைந்துள்ள நரசிம்ம ரெட்டியின் வீட்டில் நேற்று லஞ்ச ஒழிப்புத்துறையினர் தீடீர் சோதனை மேற்கொண்டனர்.அப்போது அங்கிருந்து சுமார் ஆறு கோடி மதிப்புள்ள சொத்து ஆவணங்கள் கைப்பற்றப்பட்டன.

இந்த ஆவணங்கள் மூலம் நங்கனூர் பகுதியில் 35 ஏக்கர் விவசாய நிலமும்,செர்யல் என்ற இடத்தில் ஒரு ஏக்கர் நிலமும் வாங்கியிருப்பது தெரியவந்துள்ளது.இதுமட்டுமல்லாமல் 56 லட்ச ரூபாய் மதிப்புள்ள இரண்டு கிலோ தங்க நகைகள்,3.7 கிலோ வெள்ளி,வங்கியில் 16 லட்ச ரூபாய் ரொக்கப்பணம் ஆகியவற்றையும் லஞ்ச ஒழிப்புத் துறை அதிகாரிகள் கைப்பற்றியுள்ளனர்.

லஞ்ச ஒழிப்புத்துறையினர் நரசிம்ம ரெட்டியின் வீட்டுக்கு சோதனையிட வந்த போது,வீட்டின் குளியலறைக்குள் சென்று பூட்டிக்கொண்டு தற்கொலை செய்து கொள்ளப் போவதாக அவர் மிரட்டியுள்ளார்.

நரசிம்ம ரெட்டியின் மாத சம்பளம் 30,000 மட்டுமே.ஆனால் அவர் மாதந்தோறும் 3.50 லட்ச ரூபாய் லஞ்சம் மூலம் சேர்த்துள்ளதாக தெரியவந்துள்ளது.அதனைக் கொண்டே இவர் சட்டவிரோதமாக கோடிக்கணக்கில் சொத்துக்களை வாங்கி குவித்துள்ளார்.

முகநூலில் எங்கள் செய்திகளை படிக்க க்ளிக் செய்யவும்


Loading...