News
Loading...

ரூ.1 கோடி சிக்கிய விவகாரம்: பிரபல ஜவுளிக் கடையில் கிடுக்கிப்புடி சோதனை

ரூ.1 கோடி சிக்கிய விவகாரம்: பிரபல ஜவுளிக் கடையில் கிடுக்கிப்புடி சோதனை

புதுவை: பிரபல ஜவுளிக்கடைக்கு சொந்தமான பணம் சிக்கிய விவகாரம் தொடர்பாக அந்த கடையில் வருமானவரித் துறையினர் தீவிர சோதனை மேற்கொண்டு வருகின்றனர்.

புதுச்சேரியில் இருந்து சென்னைக்கு வந்த பேருந்து, கிளியனூர் அருகே வந்த போது, மதுவிலக்கு போலீஸார் அந்த பேருந்தில் சோதனை நடத்தியுள்ளனர். அப்போது, ரூ.1 கோடி பணம் கொண்டு செல்வது கண்டறியப்பட்டது. அதனையடுத்து, பணத்தை கொண்டு சென்ற மூன்று பேரை பிடித்து போலீசார் விசாரணை நடத்தினர்.

அப்போது, புதுச்சேரியில் உள்ள பிரபல ஜவுளிக் கடையான போத்தீஸில் இருந்து, பணத்தை எடுத்துக் கொண்டு வந்ததாக அவர்கள் போலீசாரிடம் தெரிவித்துள்ளனர்.

அதன்பின்னர் வருமான வரித்துறை அதிகாரிகளுக்கு தகவல் தெரிவிக்கப்பட்டுள்ளது. தகவலறிந்து சம்பவ இடத்துக்கு வந்த அதிகாரிகள், புதுச்சேரியில் உள்ள கடையில் தீவிர சோதனை நடத்தி வருகின்றனர்.

புதுச்சேரி நெல்லித்தோப்பு தொகுதியில் இடைத்தேர்தல் அறிவிக்கப்பட்டதையடுத்து, அங்கு நடத்தை விதிமுறைகள் அமலில் உள்ளன என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...