News
Loading...

ஈராக்கில் வந்தது மதுவிலக்கு..!

ஈராக்கில் வந்தது மதுவிலக்கு..!

ஈராக் நாட்டில் மதுபானங்களுக்கு தடை விதிப்பது தொடர்பான சட்ட மசோதாவிற்கு அந்நாட்டு நாடாளுமன்றம் ஒப்புதல் அளித்துள்ளது.

இந்த ஒப்புதல் காரணமாக இனி ஈராக்கில் மது தயாரிப்பது மட்டுமல்லாமல், அவற்றை வெளிநாடுகளிலிருந்து இறக்குமதியும் செய்ய முடியாது. இந்த தடையை மீறி மதுபானங்களை உற்பத்தி செய்பவர்கள் மீது 25 மில்லியன் ஈராக் தினார்கள் அபராதமாக விதிக்கப்படும் எனவும் அந்த சட்ட மசோதாவில் தெரிவிக்கப்பட்டுள்ளது. ஆனால் இந்த சட்டம் எப்படி மது விற்பனையை தடை செய்ய உள்ளது? இந்த சட்டம் அந்நாட்டின் தலைமை நீதிமன்றத்தால் தடை செய்யப்பட வாய்ப்புள்ளதா? என்பது குறித்த தெளிவான தகவல்கள் அந்த மசோதாவில் தெரிவிக்கப்படவில்லை.

மது இஸ்லாமில் தடை செய்யப்பட்ட ஒன்று என்பதால் ஈராக்கில் வாழும் பெரும்பான்மை முஸ்லீகள் இந்த சட்டத்திற்கு வரவேற்பு தெரிவித்துள்ளனர். ஆனால் அந்நாட்டில் சிறுபான்மையினராக வாழும் கிறுஸ்துவர்கள் இந்த தடைக்கு எதிர்ப்பு தெரிவித்துள்ளனர். மேலும் இந்த தடையை நீக்கக் கோரி ஈராக் தலைமை நீதிமன்றத்தில் மேல் முறையீடு செய்யப் போவதாகவும் தெரிவித்துள்ளனர்.

ஐ.எஸ் இயக்கத்தினரின் பிடியில் உள்ள ஈராக்கின் மொசூல் நகரை கைப்பற்றுவதற்காக கடும் போர் நடைபெற்று வரும் நேரத்தில் இந்த தடை விதிக்கப்பட்டுள்ளது.ஐ.எஸ் இயக்கத்தினரும் தங்கள் ஆட்சிப்பகுதியில் மதுவுக்கு தடை விதித்திருப்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...