News
Loading...

விண்வெளி வரை பிரபலமடைந்துள்ள இந்தியாவின் சுற்றுச்சூழல் மாசுபாடு..!

விண்வெளி வரை பிரபலமடைந்துள்ள இந்தியாவின் சுற்றுச்சூழல் மாசுபாடு..!

விண்வெளியிலிருந்து பார்க்கும் போது இந்தியா மிக மோசமாக சுற்றுச்சூழல் மாசுபாட்டில் சிக்கியுள்ளதை உணர முடிந்ததாக அமெரிக்க விண்வெளி வீரர் தெரிவித்துள்ளார்.

சில ஆண்டுகளுக்கு முன்பு நாசாவினால் விண்வெளிக்கு அனுப்பி வைக்கப்பட்ட அமெரிக்காவைச் சேர்ந்த ஸ்காட் கெல்லி என்ற விண்வெளி வீரர் ஒரு ஆண்டு காலம் விண்வெளியில் அமைக்கப்பட்டுள்ள ஆராய்ச்சி மையத்தில் தங்கியிருந்தார். அப்போது விண்வெளியில் இருந்து பார்க்கும் போது இந்தியாவும், சீனாவும் மிகவும் மாசடைந்து இருந்தை உணர முடிந்ததாகவும் தெரிவித்துள்ளார்.

“விண்வெளியில் இருக்கும் போது எப்போதுமே மற்ற நாடுகளை பார்க்க முடிந்த அளவிற்கு இந்தியாவையும், சீனாவையும் பார்க்க முடியாது. ஏனெனில் அந்த இரண்டு நாடுகளிலும் நிலவும் சுற்றுச்சூழல் மாசுபாடு அந்த நாட்டையே கண்ணுக்கு தெரியாமல் மறைத்துவிட்டன. ஆனால் நான் தங்கியிருந்த ஒரு ஆண்டு காலத்தில், ஒரு நாள் மட்டும் சீனாவின் 200 நகரங்களை தெளிவாக பார்க்க முடிந்தது. ஆனால் இந்தியாவை ஒரு நாள் கூட அப்படி பார்க்க முடிந்ததில்லை.” என தெரிவித்துள்ளார்.

இந்த சம்பவம் இந்தியா எந்த அளவிற்கு சுற்றுச்சூழல் மாசுபாட்டுக்கு ஆளாகியுள்ளது என்பதற்கு ஒரு எடுத்துக்காட்டு என அவர் குறிப்பிட்டுள்ளார். சமீபத்தில் கூட உலகிலேயே அதிக காற்று மாசுபாட்டைக் கொண்டுள்ள இரண்டாவது நகரம் டெல்லி என ஆய்வு முடிவு ஒன்றில் தெரிவிக்கப்பட்டுள்ளது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...