News
Loading...

ஆலிவர், பெங்க்குக்கு பொருளாதாரத்திற்கான நோபல் பரிசு!

ஆலிவர், பெங்க்குக்கு பொருளாதாரத்திற்கான நோபல் பரிசு!

ஸ்டாக்ஹோம்: 2016ம் ஆண்டிற்கான பொருளாதாரத்திற்கான நோபல் பரிசை லண்டனில் பிறந்த ஆலிவர் ஹார்ட்டும், பின்லாந்தில் பிறந்த பெங்க் ஹோம்ஸ்ட்ரோமும் பெறுகின்றனர். இதற்கான அறிவிப்பு ஸ்டாக்ஹோமில் இன்று வெளியிடப்பட்டது.

இந்த ஆண்டிற்கான நோபல் பரிசு ஒவ்வொன்றாக அறிவிக்கப்பட்டுக் கொண்டிருக்கின்றன. அந்த வகையில் இன்று பொருளாதாரத்திற்கான நோபல் பரிசு அறிவிக்கப்பட்டுள்ளது. லண்டனில் பிறந்த ஆலிவரும், பின்லாந்தில் பிறந்த பெங்க்கும் இந்தப் பரிசை பகிர்ந்து கொள்கின்றனர்.

ஹார்வர்டு பல்கலைக்கழகத்தில் பேராசிரியராக பணி புரிந்து வரும் ஆலிவர் ஹார்ட்டும், அமெரிக்க எம்.ஐ.டி. கல்வி நிறுவனத்தில் பணி புரிந்து வரும் பெங்க் ஹோம்ஸ்ட்ரோமும் பொருளாதாரத் துறையில் ஒப்பந்தம் தொடர்பாக புதிய ஆய்வு ஒன்றை நடத்தினார்கள். மேலும், இந்த ஆய்வின் மூலம் பிரச்சனைகள் இல்லாமல் ஒப்பந்தங்களை வடிவமைப்பது குறித்தும் ஆய்வுகளை மேற்கொண்டனர். இவர்களின் இந்த புதிய ஆய்விற்கே நோபல் பரிசு அறிவிக்கப்பட்டுள்ளது.

1969ம் ஆண்டில் இருந்து பொருளாதாரத்திற்கான நோபல் பரிசு வழங்கப்பட்டு வருகிறது. அதற்கு முன்னர் பொருளாதாரத்திற்கான நோபல் பரிசு வழங்கப்படவில்லை என்பது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...