News
Loading...

சூதாட்டத்தை ஊக்கப்படுத்துவதாக நடிகர் பிரகாஷ்ராஜ் மீது புகார்..!

சூதாட்டத்தை ஊக்கப்படுத்துவதாக நடிகர் பிரகாஷ்ராஜ் மீது புகார்..!

ரம்மி விளையாடும் விளம்பரத்தில் நடித்ததன் மூலம் சூதாட்டத்தை ஊக்கப்படுத்துவதாக நடிகர் பிரகாஷ்ராஜ் மற்றும் ”பாகுபலி” ராணா மீது புகார் அளிக்கப்பட்டுள்ளது.

சமீபத்தில் இணையதளம் மூலம் ரம்மி விளையாடும் ”Jungle Rummy" என்ற நிறுவனத்தின் விளம்பரத்தில் நடிகர் பிரகாஷ் ராஜ் மற்றும் ”பாகுபலி” ராணா ஆகியோர் நடித்திருந்தனர்.இந்நிலையில் இந்த விளம்பரம் மூலம் சூதாட்டம் தடை செய்யப்பட்டுள்ள தமிழ்நாட்டில் ,சூதாட்டத்தை ஊக்கப்படுத்துவதாக Jungle Rummy நிறுவனம் மற்றும் அதில் நடித்திருந்த நடிகர்கள் பிரகாஷ் ராஜ் மற்றும் ராணா ஆகியோர் மீது கோவை காவல்துறை ஆணையாளர் அலுவலகத்தில் புகார் அளிக்கப்பட்டுள்ளது.

இளங்கோவன் என்பவர் அளித்துள்ள அந்த புகாரில்,”வெளிப்படையாக மக்களை சூதாட்டத்தில் ஈடுபட அழைப்பது போல இந்த விளம்பரம் அமைந்துள்ளது.எனவே இந்த விளம்பரத்தை உருவாக்கிய நிறுவனத்தின் மீதும்,அதில் நடித்துள்ள நடிகர்கள் மீதும் நடவடிக்கை எடுக்க வேண்டும்.”என அந்த புகாரில் தெரிவிக்கப்பட்டிருந்தது.

மேலும் இது போல சூதாட்டத்தை ஊக்கப்படுத்தும் மற்ற நிறுவனங்களையும்,அதன் குறுஞ்செயலிகளையும் முடக்க வேண்டும் எனவும் அந்த புகாரில் கூறப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...