News
Loading...

6 லட்சம் டெபிட் கார்டுகளை தடை செய்த எஸ்பிஐ!

6 லட்சம் டெபிட் கார்டுகளை தடை செய்த எஸ்பிஐ!

நாட்டின் மிகப்பெரிய வங்கியான எஸ்பிஐ, அதன் சார்பாக வாடிக்கையாளர்களுக்கு விநியோகிக்கப்பட்டிருந்த 6 லட்சம் டெபிட் கார்டுகளை தடை செய்துள்ளதாகக் கூறியுள்ளது.

இந்திய வங்கித்துறையில் இதுவரை இல்லாத அளவுக்கு மேற்கொள்ளப்பட்டுள்ள மிகப்பெரிய முன்னெச்சரிக்கை நடவடிக்கை இதுவாகும். வங்கியின் ஏடிஎம் சேவையை பயன்படுத்தி மர்மமான முறையில் வாடிக்கையாளர் விவரங்கள் திருடப்பட்டுள்ளதாகவும், இதையடுத்து, உடனடியாக, இத்தகைய முன்னெச்சரிக்கை நடவடிக்கையை மேற்கொண்டுள்ளதாகவும் எஸ்பிஐ குறிப்பிட்டுள்ளது.

எஸ்பிஐ ஏடிஎம் மையங்களை நிர்வகிக்கும் பொறுப்பு சில தனியார் நிறுவனங்களிடமும் ஒப்படைக்கப்பட்டுள்ளது. இதன்மூலமாக, சில விஷமிகள் ரகசிய மென்பொருள் மூலமாக, ஊடுருவி, வங்கியின் பயனாளர் தொடர்பான ஏடிஎம் விவரங்களை திருடியுள்ளனர். இது மிகப்பெரிய ஏடிஎம் திருட்டுக்கு வழிவகுக்கவும் வாய்ப்புள்ளதாக, எஸ்பிஐ எச்சரித்துள்ளது.

டெபிட் கார்டு தடை செய்யப்பட்ட வாடிக்கையாளர்கள் உடனடியாக, அருகாமையில் உள்ள எஸ்பிஐ அலுவலகம் அல்லது இலவச டோல் ஃப்ரீ அழைப்பு எண்ணை தொடர்பு கொண்டு, தங்களுக்கான புதிய டெபிட் கார்டை விண்ணப்பித்து, பெற்றுக்கொள்ளலாம் என்றும் கூறப்பட்டுள்ளது.

கடந்த ஜூலை மாத நிலவரப்படி, எஸ்பிஐ மற்றும் அதன் துணை வங்கிகள் சார்பாக, நாடு முழுவதும் 4.75 கோடி டெபிட் கார்டுகள் விநியோகிக்கப்பட்டிருந்தது குறிப்பிடத்தக்கது.

முகநூலில் எங்கள் செய்திகளை படிக்க க்ளிக் செய்யவும்


Loading...