News
Loading...

சிம்புவின் 'அஸ்வின் தாத்தா' முதல் பார்வை போஸ்டர்

சிம்புவின் 'அஸ்வின் தாத்தா' முதல் பார்வை போஸ்டர்

இயக்குனர் ஆதிக் ரவிசந்தர் இயக்கத்தில் சிம்பு நடித்து வரும் 'அன்பானவன் அசராதவன் அடங்காதவன்' படத்தில் சிம்புவின் அஸ்வின் தாத்தா கதாப்பாத்திரத்தின் முதல் பார்வை போஸ்டர் வெளியாகியுள்ளது.

இப்படத்தில் மூன்று வித்தியாசமான கதாப்பாத்திரத்தில் நடித்து வரும் சிம்பு 3 மாறுபட்ட தோற்றங்களில் நடித்துள்ளார். மதுரை மைக்கேல் மற்றும் அஸ்வின் தாத்தா ஆகிய கதாப்பாத்திரங்களின் முதல் பார்வை போஸ்டர் வெளியாகி ரசிகர்கள் மத்தியில் நல்ல வரவேற்பை பெற்றுள்ளது.

ஸ்ரேயா மற்றும் தமன்னா ஆகியோர் சிம்புவுடன் ஜோடி சேர்ந்து நடித்துள்ளனர். இந்நிலையில், நேற்று இரவு வெளியான 'அஸ்வின் தாத்தா' கதாப்பாத்திரத்தின் முதல் பார்வை போஸ்டரில் சிம்புவை கட்டியணைத்து அவரை ரசிப்பது போன்று காட்சி அமைந்துள்ளது. இதில் தமன்னா ரம்யா எனும் கதாப்பாத்திரத்தில் வருவதாக இயக்குனர் ஆதிக் தனது டுவிட்டர் பக்கத்தில் தெரிவித்துள்ளார். இவர்களின் ஜோடி வரலாறு படைக்கும் எனவும் ஆதிக் டுவிட்டரில் குறிப்பிட்டுள்ளார்.

இப்படத்தில் வரும் மூன்றாவது கதாப்பாத்திரத்திற்காக சிம்பு சுமார் 20கிலோ உடல் எடையை குறைக்கவிருப்பதாக தகவல் தெரிவிக்கப்பட்டுள்ளது. இப்படத்தின் அடுத்தக்கட்ட படப்பிடிப்பு டிசம்பர் பாதியில் துவங்கும் என கூறப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...