News
Loading...

தீபாவளிக்கு முன்னரே டிஸ்சார்ஜ் செய்யப்படுகிறாரா முதலமைச்சர் ஜெயலலிதா?

தீபாவளிக்கு முன்னரே டிஸ்சார்ஜ் செய்யப்படுகிறாரா முதலமைச்சர் ஜெயலலிதா?

உடல்நலம் பாதிக்கப்பட்டு சென்னை அப்பல்லோ மருத்துவமனையில் அனுமதிக்கப்பட்டுள்ள முதலமைச்சர் ஜெயலலிதா விரைவில் டிஸ்சார்ஜ் செய்யப்பட இருப்பதாக அதிமுக வட்டாரத்தில் பேசப்படுகிறது.

கடந்த மாதம் 22ம் தேதி சென்னை அப்பல்லோ மருத்துவமனையில் காய்ச்சல் மற்றும் நீர்ச்சத்து குறைபாடு காரணமாக முதலமைச்சர் ஜெயலலிதா அனுமதிக்கப்பட்டார். அதன் பிறகு சிகிச்சை அளித்த அப்பல்லோ நிர்வாகம் முதல்வருக்கு சுவாசப்பிரச்னை இருப்பதாக கூறியது. அதனைத்தொடர்ந்து லண்டன் மற்றும் சிங்கப்பூரில் இருந்து மருத்துவர்கள் வரவழைக்கப்பட்டு சிகிச்சை அளிக்கப்பட்டது. தற்போது முதலமைச்சர் ஜெயலலிதாவின் உடல் நிலை தேறி வருவதாகவும், ஆனால் மருத்துவமனையிலேயே ஓய்வு எடுக்க வேண்டும் என்றும் மருத்துவர்கள் கூறியுள்ளனர்.

இந்நிலையில் வருகின்ற தீபாவளி பண்டிகைக்கு முன்னரே முதலமைச்சரை போயஸ் கார்டன் வீட்டிற்கு டிஸ்சார்ஜ் செய்ய சசிகலா தரப்பு முடிவெடுத்து இருப்பதாக தகவல் வெளியாகியுள்ளது. தீபாவளியன்று அவர் மருத்துவமனையில் இருப்பது நன்றாக இருக்காது என்பதால், அதற்கு முன்னரே டிஸ்சார்ஜ் செய்ய ஆலோசித்து வருகின்றனர்.

அப்பல்லோ மருத்துவமனையில் அளிக்கப்படும் சிகிச்சையை அவரது வீட்டில் அளிக்க முடியுமா என்று மருத்துவர்களுடன் ஆலோசித்து வருவதாகவும் தெரிகிறது. வருகின்ற 27ம் தேதி டிஸ்சார்ஜ் செய்வது நல்லது என்று ஜோதிடர்கள் சிலர் சொல்லி இருப்பதாகவும், அதனால் தீபாவளிக்கு முன்பே டிஸ்சார்ஜ் செய்ய வாய்ப்பு இருப்பதாக தகவல் வெளியாகியுள்ளது. இந்த செய்தி கேட்டு மருத்துவமனை வாயிலில் குழுமியிருக்கும் அதிமுக தொண்டர்கள் மகிழ்ச்சி அடைந்துள்ளனர்.

முகநூலில் எங்கள் செய்திகளை படிக்க க்ளிக் செய்யவும்

News2.in mobile app வெறும் 1 எம்பி மட்டுமே! செய்திகளை சுருக்கமாகவும் விரைவாகவும் தெரிந்து கொள்ள உடனே டவுன்லோட் செய்யுங்கள்.