News
Loading...

ஏர்டெல், ஐடியா, வோடஃபோன் நிறுவனங்கள் மீது ரூ.3,050 கோடி அபராதம்: டிராய் பரிந்துரை

ஏர்டெல், ஐடியா, வோடஃபோன் நிறுவனங்கள் மீது ரூ.3,050 கோடி அபராதம்: டிராய் பரிந்துரை

தொலைத்தொடர்பு சேவை விதிமுறைகளை மீறியதாகக் கூறி, வோடஃபோன் இந்தியா, ஐடியா செல்லுலர் மற்றும் ஏர்டெல் ஆகிய நிறுவனங்கள் மீது ரூ.3,050 கோடி அபராதம் விதிக்கும்படி, தொலைத்தொடர்பு அமைச்சகத்திற்கு, டிராய் பரிந்துரை செய்துள்ளது.

முகேஷ் அம்பானிக்குச் சொந்தமான ரிலையன்ஸ் ஜியோ நிறுவனம் சமீபத்தில் 4ஜி சேவையை தொடங்கியது. அந்நிறுவனத்தின் தொலைத்தொடர்புச் சேவைக்கு போதிய ஒத்துழைப்பு வழங்காமல், ஏர்டெல், வோடஃபோன் போன்ற போட்டி நிறுவனங்கள், ரிலையன்ஸ் ஜியோ வாடிக்கையாளர்கள் மேற்கொள்ளும் அழைப்புகள், இணையதள சேவைகளில் பாதிப்பு ஏற்படுத்தியதாகப் புகார் எழுந்தது. இதன்பேரில், ஜியோ சார்பாக முறையீடும் செய்யப்பட்டது.

இதுபற்றி விசாரித்த டிராய் எனப்படும் இந்திய தொலைத்தொடர்பு ஒழுங்குமுறை ஆணையம், ஏர்டெல், வோடஃபோன் மற்றும் ஐடியா செல்லுலர் ஆகிய நிறுவனங்கள் தொலைத்தொடர்புச் சேவை விதிமுறைகளை மீறியதாக, உறுதிப்படுத்தியுள்ளது. இந்நிறுவனங்களின் செயலுக்காக, அவற்றின் மீது ரூ.3,050 கோடி அபராதம் விதிக்கவும் முடிவு செய்துள்ளது.

இந்த 3 நிறுவனங்கள் மீது உடனடியாக அபராதம் விதித்து, அவற்றின் சேவைகளுக்குக் கடிவாளம் போடும்படி, தொலைத்தொடர்பு அமைச்சத்திற்கு, டிராய் தரப்பில் பரிந்துரை செய்யப்பட்டுள்ளது.

முகநூலில் எங்கள் செய்திகளை படிக்க க்ளிக் செய்யவும்


Loading...