News
Loading...

ஜெ., பற்றி வதந்தி: கரூரைச் சேர்ந்த இருவர் கைது

ஜெ., பற்றி வதந்தி: கரூரைச் சேர்ந்த இருவர் கைது

கரூர்: முதல்வர் ஜெயலலிதா உடல் நிலை பற்றி வதந்தி பரப்பியதாக கரூரைச் சேர்ந்த இருவரை போலீசார் கைது செய்துள்ளனர். இதன் மூலம் முதலவர் குறித்து வதந்தி பரப்பி கைதானவர்களின் எண்ணிக்கை பத்தாக உயர்ந்துள்ளது.

கடந்த செப்டம்பர் 22-ம் தேதி முதல் தமிழக முதல்வர் ஜெயலலிதா உடல்நலக்குறைவு காரணமாக சென்னை அப்பல்லோவில் அனுமதிக்கப்பட்டு சிகிச்சைப் பெற்று வருகிறார். இதனால் அவரது உடல்நிலை குறித்து பல்வேறு வதந்திகள் சமூகவலைதளங்களில் உலா வரத் தொடங்கின.

அதனைத் தொடர்ந்து வதந்திகளைக் கட்டுப்படுத்த, வதந்தி பரப்புவோர் மீது அதிரடி நடவடிக்கைகளை போலீசார் எடுத்து வருகின்றனர். அந்தவகையில், ஏற்கனவே ஜெயலலிதாவின் உடல்நிலை குறித்து வதந்தி பரப்பியதாக இதுவரை 8 பேர் கைது செய்யப்பட்டுள்ளனர்.

இந்நிலையில் கரூர் ஆண்டிப்பட்டியைச் சேர்ந்த இளங்கோவன் (35), ராயனூரைச்சேர்ந்த அலெக்ஸ் டக்ளஸ் ( 46) ஆகிய இருவரும் கைது செய்யப்பட்டுள்ளனர்.இவர்கள் இருவரையும் சேர்த்து ஜெயலலிதாவின் உடல்நிலை குறித்து வதந்தி பரப்பியதாக இதுவரை 10 பேர் கைது செய்யப்பட்டுள்ளனர் .

முகநூலில் எங்கள் செய்திகளை படிக்க க்ளிக் செய்யவும்


Loading...