News
Loading...

திருப்பரங்குன்றத்தில் விஜயகாந்த் போட்டி?

திருப்பரங்குன்றத்தில் விஜயகாந்த் போட்டி?

மதுரை ‘திருப்பரங்குன்றம்’ தொகுதியில் தேமுதிக தலைவர் விஜயகாந்த் போட்டியிட வேண்டும் என அக்கட்சி தொண்டர்கள் ஆவல் தெரிவித்துள்ளனர்.

தஞ்சாவூர், அரவக்குறிச்சி, திருப்பரங்குன்றம் சட்டசபை தொகுதிகளில் அடுத்தமாதம் நவம்பர் 19ல் இடைத்தேர்தல் நடைபெற உள்ளது. இதில் திருப்பரங்குன்றம் தொகுதியில் தேமுதிக., தலைவர் களமிறங்க வேண்டும் என அவரது கட்சி தொண்டர்கள் விருப்பம் தெரிவித்து வருகின்றனர்.

3 தொகுதிகளுக்கான வேட்பாளர்கள் தேர்வு செய்யும் பணி தேமுதிக., ரகசியமாக செய்து வருகிறது. ஆனால் அக்கட்சியின் கரூர் மற்றும் தஞ்சாவூர் மாவட்ட நிர்வாகிகள் விஜயகாந்தை சந்தித்து, இந்த இடைத்தேர்தலை புறக்கணிக்க வேண்டும் என தெரிவித்ததோடு, திருப்பரங்குன்றம் தொகுதியில் விஜயகாந்த் போட்டியிட வேண்டும் என விருப்பம் தெரிவித்துள்ளனர்.

கடந்த சட்டமன்ற தேர்தலில் விஜயகாந்த் உளுந்துார்பேட்டை தொகுதியில் போட்டியிட்டு டெபாசிட் இழந்தார். இதற்கு ஆறுதல் தேடும் விதமாக அவரது சொந்த மாவட்டத்தில் திருப்பரங்குன்றத்தில் போட்டியிட்டு வெற்றி பெறவேண்டும் என மாநில, மாவட்ட நிர்வாகிகள் மற்றும் தொண்டர்கள் நெருக்கடி கொடுத்து வருவதாக அரசியல் வட்டாரங்கள் தெரிவிக்கின்றன.

முகநூலில் எங்கள் செய்திகளை படிக்க க்ளிக் செய்யவும்


Loading...