News
Loading...

தமிழகத்தை தற்போது ஆட்சி புரிவது யார்?

தமிழகத்தை தற்போது ஆட்சி புரிவது யார்?


அரசு நிர்வாகத்தில் உள்ள பொது விதிமுறைகள் தமிழகத்தில் கடைபிடிக்கப்படுகிறதா என்று தெரியாமலே உள்ளது. தமிழக முதல்வர் உடல்நலக்குறைபாட்டுடன் மருத்துவமனையில் சிகிச்சை பெற்றுவரும் சூழலில் அவருக்கு அடுத்த இடத்தில் உள்ள நிதி அமைச்சர் ஒ.பன்னீர் செல்வம் வசம் பொறுப்புகள் ஒப்படைக்கப்பட்டிருக்க வேண்டும். ஆனால் அப்படி பொறுப்பு ஒப்படைக்கப்பட்டதாக தெரியவில்லை. அரசின் விதிமுறைப்படி பொறுப்பில் இருக்கும் அதிகாரி விடுப்பில் செல்கிறார் என்றால் அவருடைய வேலைகளை திரும்பி வரும் வரை வேறொருவரிடம் கொடுத்துவிட்டு செல்லவேண்டும்.

இந்திய பிரதமர் மோடி வெளிநாடு செல்லும் போது கூட உள்துறை அமைச்சர் ராஜ்நாத் சிங்கிடம் பொறுப்பை ஒப்படைத்துவிட்டு செல்வார். அதற்கான அறிக்கையைக்கூட மத்திய அரசு வெளியிட்டது. அதன்படி பார்த்தால் ஒ.பன்னீர் செல்வம் தற்போது தமிழக அரசை வழிநடத்த வேண்டும். ஆனால் அப்படி எதுவும் நடக்கவில்லை. அப்படியானால் அரசு யார் வசம் உள்ளது என்று வாக்களித்த மக்களுக்கு இதுவரை தெரியவில்லை.

தலைமைச் செயலாளர் ராம் மோகன்ராவ் பார்த்து கொள்கிறாரா, ஆலோசகர் ஷீலா பாலகிருஷ்ணன் வழிநடத்துகிறாரா அல்லது பொறுப்பு ஆளுநர் வித்யாசாகர் ராவ் வசம் உள்ளதா என்று தெரியவில்லை. இதனை மக்களுக்கு தெளிவுபடுத்த வேண்டியது தமிழக ஆளுநரின் கடமை. ஆனால் முதல்வரை சந்தித்த ஆளுநர் உடல் நலம் தேறிவருவதாக அறிக்கை கொடுத்தாரே தவிர ஆட்சி குறித்து எதுவும் சொல்லவில்லை. அதனால் தான் தமிழக மக்களிடையே பெரும் குழப்பம் நிலவுகிறது.

முகநூலில் எங்கள் செய்திகளை படிக்க க்ளிக் செய்யவும்


Loading...