News
Loading...

கைநாட்டு வைத்த ஜெயலலிதா

கைநாட்டு வைத்த ஜெயலலிதா

இடைத்தேர்தலில் அதிமுக வேட்பாளர்களுக்கு இரட்டை இலை சின்னம் ஒதுக்குவதற்கான படிவத்தில் அக்கட்சியின் பொதுச் செயலாளர் ஜெயலலிதா கைநாட்டு வைத்துள்ளார்.

தமிழகத்தில் தஞ்சாவூர், அரவக்குறிச்சி மற்றும் திருப்பரங்குன்றம் ஆகிய தொகுதிகளுக்கு இடைத்தேர்தல் வரும் நவம்பர் 19 ஆம் தேதி நடைபெற இருக்கிறது. இந்த மூன்று தொகுதிகளிலும் அதிமுக வேட்பாளர்கள் வேட்புமனு தாக்கல் செய்தனர்.

இந்த வேட்பாளர்களுக்கு, கட்சியின் சின்னமான இரட்டை இலை சின்னம் ஒதுக்குவதற்காக அதிமுக தலைமைக் கழகத்திலிருந்து படிவம் பி வழங்கப்பட்டது. இந்த படிவத்தில் அக் கட்சியின் பொதுச் செயலாளரும் முதலமைச்சருமான ஜெயலலிதாவின் கையெழுத்துக்குப் பதில் இடது கையின் பெருவிரல் ரேகை பதிவு செய்யப்பட்டுள்ளது.

மேலும் படிவம் பி-யில் ஜெயலலிதாவின் கையெழுத்து இல்லை. அதற்குப் பதிலாக அவருடைய விரல் ரேகை பதிக்கப்பட்டு இருக்கிறது என்று ராஜிவ் காந்தி அரசு மருத்துவமனையின் பேராசிரியர் பி. பாலாஜி, இதற்கு ஒப்புதல் அளித்து இருக்கிறார். மேலும் அப்போலோ மருத்துவமனையின் மருத்துவர் பாபு ஆப்ரஹாம் சாட்சிக் கையெழுத்து இட்டுள்ளார். ஜெயலலிதா நன்றாக பேசுகிறார், ஆலோசனை நடத்துகிறார் என்று செய்திகள் வரும் நிலையில், படிவத்தில் கையெழுத்திடாமல் கைநாட்டு வைத்துள்ளது பலவித யூகங்களை ஏற்படுத்தி உள்ளது.

கையொப்பம் இடப்பட்ட நபர் தற்போது கிரீம்ஸ் ரோட்டில் இருக்கும் அப்போலோ மருத்துவமனையில் இருக்கிறார். #Tracheostomy (An incision in the windpipe made to relieve an obstruction to breathing. மூச்சு விட தொண்டையில் துளையிடப்பட்டு குழாய் செருகப்பட்ட நிலை) செய்து இருப்பதால், அவரது வலது கையில் கையெழுத்து இடமுடியாத நிலையில் இருக்கிறார். ஆதலால் அவரது இடது கை கட்டைவிரலின் பதிவினை பெற்று இருக்கிறோம் என குறிப்பிடபட்டு இருக்கிறது.

ஜெயலலிதா கையெழுத்துபோடும் நிலையில்கூட அவரது உடல்நிலை இல்லை என்பதையே இது காட்டுகிறது.

சந்தேகம் :அவரின் ஒப்புதழுடன் கைநாட்டு பெறப்பட்டதா? அல்லது அவரின் கையை தூக்கி கைநாட்டு வைத்துக் கொண்டார்களா?

English Summary : why jayalalitha not signed

முகநூலில் எங்கள் செய்திகளை படிக்க க்ளிக் செய்யவும்


Loading...