News
Loading...

இடைத்தேர்தலில் அதிமுக அமோக வெற்றி!

இடைத்தேர்தலில் அதிமுக அமோக வெற்றி!

தமிழகம் மற்றும் புதுச்சேரியில் நடைபெற்ற இடைத்தேர்தலில், அதிமுக மற்றும் காங்கிரஸ் கட்சி வேட்பாளர்கள் அமோக வெற்றி பெற்றுள்ளனர்.

கடந்த 19ம் தேதியன்று பதிவு செய்யப்பட்ட வாக்குகளின் எண்ணிக்கை இன்று நடைபெற்றது. இதன்படி, தஞ்சாவூர், அரவக்குறிச்சி மற்றும் திருப்பரங்குன்றம் ஆகிய 3 தொகுதிகளிலும் அதிமுக வேட்பாளர்கள், அதிக வாக்குகள் வித்தியாசத்தில், வெற்றிபெற்றனர். புதுச்சேரி நெல்லிக்குப்பம் தொகுதியில் முதலமைச்சரும், காங்கிரஸ் கட்சி வேட்பாளருமான நாராயணசாமி வெற்றி பெற்றுள்ளார்.

இதன்படி, தமிழகத்தில் அதிமுக வேட்பாளர்கள் பெற்ற வாக்குகள் விவரம்:-

(1) தஞ்சாவூர்:
ரங்கசாமி (அதிமுக) – 1,01362 வாக்குகள்
அஞ்சுகம் பூபதி (திமுக) – 74488 வாக்குகள்
வாக்கு வித்தியாசம் - 26,874
நோட்டா – 2,295

(2) அரவக்குறிச்சி
செந்தில் பாலாஜி (அதிமுக) – 88,068 வாக்குகள்
பழனிச்சாமி (திமுக) – 64,395 வாக்குகள்
வாக்கு வித்தியாசம் – 23,673

(3) திருப்பரங்குன்றம்:
ஏ.கே.போஸ் (அதிமுக) – 1,13,032 வாக்குகள்
பி.சரவணன் (திமுக) - 70,362 வாக்குகள்
வாக்கு வித்தியாசம் - 42,670
நோட்டா - 2,214

இதில், தஞ்சாவூரில் அதிமுக, திமுக, தேமுதிக, பாஜக உள்பட மொத்தம் 14 வேட்பாளர்கள் போட்டியிட்டனர். இதேபோன்று, அரவக்குறிச்சியில் 39 வேட்பாளர்களும், திருப்பரங்குன்றம் தொகுதியில் 28 வேட்பாளர்களும் போட்டியிட்டனர்.

இவர்களில், அதிமுக வேட்பாளர்கள் வெற்றி பெற, திமுக வேட்பாளர்கள் 2ம் இடத்தையும் பிடித்துள்ளனர். அதேசமயம், பாஜக, தேமுதிக மற்றும் சுயேச்சைகள் அனைவரும் டெபாசிட் இழந்துள்ளனர். அதிமுக., வெற்றியை பல இடங்களில் அக்கட்சியின் தொண்டர்கள் பட்டாசு வெடித்தும், இனிப்புகள் வழங்கியும் உற்சாகமாகக் கொண்டாடினர்.

இந்த 3 தொகுதிகளிலும் வெற்றி பெற்றதன் மூலமாக, தமிழக சட்டப்பேரவையில் அதிமுக.,வின் பலம் 136 எம்எல்ஏ.,க்களாக அதிகரித்துள்ளது குறிப்பிடத்தக்கது.

English Summary : AIADMK wins all three seats in Tamil Nadu 

முகநூலில் எங்கள் செய்திகளை படிக்க க்ளிக் செய்யவும்


Loading...