News
Loading...

அரசு பணப்பரிவர்த்தனை டிஜிட்டல் மயம்: மத்திய அரசு அதிரடி திட்டம்

அரசு பணப்பரிவர்த்தனை டிஜிட்டல் மயம்: மத்திய அரசு அதிரடி திட்டம்

அரசு அலுவலகங்களில் பண பரிவர்த்தனையை டிஜிட்டல் மயமாக்குவது பற்றி ஆய்வுசெய்ய சிறப்புக்குழு ஒன்று அமைக்கப்பட்டுள்ளது.

ரூபாய் நோட்டு தடையை முன்னிட்டு டிஜிட்டல் பணபரிவர்த்தனையை மக்கள் பழகிக்கொள்ள வேண்டும் என்று பிரதமர் மோடி அறிவுறுத்தி வருகிறார். இந்நிலையில், அரசு அலுவலகங்கள் அனைத்திலும் பண பரிவரத்தனையை டிஜிட்டல்மயம் ஆக்குவதற்கான ஆய்வை மேற்கொள்ள சிறப்பு குழு ஒன்றை மத்திய அரசு வெள்ளிக்கிழமை அமைத்துள்ளது.

இந்தக் குழுவின் தலைவராக நிதி ஆயோக் அமைப்பின் தலைமை அதிகாரி அமிதாப் கண்ட் நியமிக்கப்பட்டிருக்கிறார். அவரது தலைமையிலான இந்த குழு குறிப்பிட்ட கால வரம்பிற்குள் அரசு அலுவலக பண பரிவர்த்தனையை டிஜிட்டல்மயம் ஆக்குவதில் உள்ள சவால்கள் பற்றி ஆய்வு செய்து அறிக்கை சமர்ப்பிக்கும்.

இந்தக் குழுவில் மத்திய மாநில அரசுகளின் பல்வேறு துறைகளைச் சேர்ந்த தலைமைச் செயலாளர்களும் முக்கிய அதிகாரிகளும் அங்கம் வகிப்பார்கள். இந்தக்குழுவின் நோக்கம் மற்றும் பணிகள் குறித்து விரைவில் அதிகாரப்பூர்வமான அறிவிப்பு வெளியாகும் என்று எதிர்பார்க்கப்படுகிறது.

முகநூலில் எங்கள் செய்திகளை படிக்க க்ளிக் செய்யவும்


Loading...