News
Loading...

பண மோசடி புகாருக்கு பயந்து ரியல் எஸ்டேட் அதிபர் தற்கொலை!

பண மோசடி புகாருக்கு பயந்து ரியல் எஸ்டேட் அதிபர் தற்கொலை!

பண மோசடி புகார் விசாரணைக்கு பயந்து மனைவி மற்றும் மாமனாருடன் ரயின் முன் பாய்ந்து ரியல் எஸ்டேட் அதிபர் தற்கொலை செய்து கொண்டுள்ளார்.

விழுப்புரம் மாவட்டம் உளுந்தூர்பேட்டை அருகே ரயில் தண்டவாளத்தில் ஒரு ஆணின் உடல் கிடக்கிறது என்று காவல்துறைக்கு தகவல் கொடுக்கப்பட்டது. சம்பவ இடத்திற்கு வந்த காவல் துறையினர் அந்த ஆணின் உடலுக்கு அருகே ஒரு பெண் மற்றும் முதியவர் ஒருவரின் உடல் துண்டுதுண்டாக கிடப்பதை கண்டறிந்தனர். சம்பவ இடத்தில் கிடைத்த மொபைல் ஃபோன் மற்றும் ஆதார் கார்டை வைத்து விசாரணை நடத்தியதில் இறந்தவர் நாகர் கோவிலை சேர்ந்த சகாயபால் மார்லன் மேத்யூ என்று தெரியவந்தது. இவர் போடி மாவட்டம் போடி திருமலாபுரத்தில் வசிந்து வந்தார். ரியல் எஸ்டேட் தொழில் புரிந்துவந்த இவர் பலரிடம் பண மோசடி செய்துள்ளதாக கூறப்படுகிறது.

மேத்யூவிடம் பணம் கொடுத்து ஏமாற்றம் அடைந்த ஒருவர் கொடுத்த புகாரில் பேரில் காவல்துறையினர் அவரை அழைத்து விசாரணை நடத்தினர். இந்த மோசடி புகாருக்கு பயந்து தன் மனைவி சாந்தினி (37) மற்றும் மாமனார் (65) உடன் மேத்யூ ரயில் முன் பாய்ந்து தற்கொலை செய்துகொண்டார். மாத்யூ குடும்பத்துடன் தற்கொலை செய்து கொண்ட தகவல் அறிந்த அவரது சகோதரர் வில்பிரட் உளுந்தூர் பேட்டை வந்தார். மேத்யூ தற்கொலை தொடர்பாக அவரது சகோதரர் கொடுத்த புகாரின் பேரில் காவல்துறையினர் வழக்குப்பதிவு செய்து விசாரணை நடத்தி வருகின்றனர். பிரேத பரிசோதனைக்கு பிறகு மூவரின் உடலும் அவரது சகோதரர் வில்பிரட்டிடம் ஒப்படைக்கப்பட்டது. அவர்களின் உடல்களை உளுந்தூர் பேட்டையில் அடக்கம் செய்தனர்.

English Summary : Chennai real estate agent committed suicide with his wife and father in law

முகநூலில் எங்கள் செய்திகளை படிக்க க்ளிக் செய்யவும்


Loading...