News
Loading...

ரூ.2 கோடி லஞ்சம் பெற்று, திருடர்களை தப்பவிட்ட காவல்துறை அதிகாரிகள்

ரூ.2 கோடி லஞ்சம் பெற்று, திருடர்களை தப்பவிட்ட காவல்துறை அதிகாரிகள்

டெல்லி: ரூ.2 கோடி லஞ்சம் பெற்று, திருடர்களை தப்பவிட்ட காவல்துறை துணை ஆணையர் மற்றும் காவல் கண்காணிப்பாளர் ஆகியோர் குறித்து விசாரணை நடைபெற்று வருகிறது.

மத்திய பிரதேச மாநிலம் சடர்பூரைச் சேர்ந்த காவல்துறை துணை ஆணையர் மற்றும் காவல் கண்காணிப்பாளர் ஆகியோர், கடந்த 2013ஆம் ஆண்டு கொள்ளை சம்பவத்தில் தொடர்புடைய தகவல் தற்போது தெரியவந்துள்ளது. அப்போது தொழிலதிபர் ஒருவரிடம் இருந்து ரூ.7.5 கோடி பணம் கொள்ளையடிக்கப்பட்டது. ஆனால் அது கருப்பு பணம் என்பதால் அவர் புகார் தெரிவிக்கவில்லை. இதனையறிந்த காவல் அதிகாரிகள், கொள்ளையர்களை தேடிக் கண்டுபிடித்தனர்.

பின்னர் அவர்களிடம் ரூ.2.3 கோடி பேரம் பேசினர். இந்த பணத்தை பெற்றுக் கொண்டு, கொள்ளையர்களை தப்பவிட்டனர். இந்நிலையில் சமீபத்தில் சடர்பூரில் ஒரு கொள்ளை சம்பவம் நிகழ்ந்துள்ளது. இந்த சம்பவம் தொடர்பாக ஒருவர் கைது செய்யப்பட்டார். அவர் 2013ல் நடந்த கொள்ளை சம்பவத்திலும் தொடர்புடையவர் என்று தெரியவந்தது. தன்னுடைய வாக்குமூலத்தில் 2013 கொள்ளை சம்பவத்தில் காவல்துறை அதிகாரிகள் இருவருக்கு தொடர்புள்ளதாக கூறினார்.

பின்னர் அனைத்து காவல்துறை அதிகாரிகளையும் நேரில் அழைத்து, கொள்ளையனிடம் காண்பித்தனர். இதில் சம்பந்தப்பட்ட அதிகாரிகள் கண்டுபிடிக்கப்பட்டனர். இதையடுத்து அவர்கள் மீது வழக்கு ஏதும் பதிவு செய்யப்படாமல், காவல்துறை கண்காணிப்பில் தற்போது உள்ளனர். இருப்பினும் பல்வேறு கோணங்களில் விசாரணை நடைபெற்று வருகிறது.

English Summary :  cops took rs 2 crore let robbers flee

முகநூலில் எங்கள் செய்திகளை படிக்க க்ளிக் செய்யவும்


Loading...