News
Loading...

12 நாட்களில் 11 வங்கி ஊழியர்கள் மரணம்: ரிசர்வ் வங்கி ஆளுநர் பதவி விலக வலுக்கும் குரல்

12 நாட்களில் 11 வங்கி ஊழியர்கள் மரணம்: ரிசர்வ் வங்கி ஆளுநர் பதவி விலக வலுக்கும் குரல்

ரூபாய் நோட்டுக்கள் விவகாரத்தில் 12 நாட்களில் 11 வங்கி ஊழியர்கள் மரணமடைந்துள்ளதாக வங்கி ஊழியர்கள் சங்கம் குற்றம்சாட்டியுள்ளது. இதுகுறித்து மவுனம் காத்து வரும் ரிசர்வ் வங்கி ஆளுநர் உர்ஜித் படேல் பதவி விலக வேண்டும் என்றும் வலியுறுத்தியுள்ளது.

கடந்த 8ஆம் தேதி ரூ.500 மற்றும் ரூ.1000 நோட்டுக்கள் செல்லாது என்று மத்திய அரசு அறிவித்தது. இதையடுத்து புதிய ரூ.500 மற்றும் ரூ.2000 நோட்டுக்கள் அறிமுகம் செய்யப்பட்டு, புழக்கத்திற்கு வந்தது. இதனால் பழைய ரூபாய் நோட்டுக்களை மாற்ற பொதுமக்கள் வங்கிகளில் குவியத் தொடங்கினர். மேலும் பணத் தேவைக்காகவும் நாள்தோறும் வங்கிகளில் கூட்டம் அலைமோதுகிறது.

இதற்கிடையில் பொதுமக்கள் வசதிக்காக மத்திய அரசு வங்கி ஊழியர்களின் விடுமுறை காலத்தை குறைத்தது. இதனால் வங்கி ஊழியர்கள் தொடர்ச்சியான வேலை செய்யும் நிலை ஏற்பட்டது. மேலும் வேலைப்பளு மிகவும் அதிகரித்தது. இதன்காரணமாக வங்கி ஊழியர்களுக்கு உடல்நலக்குறைவு ஏற்பட்டு, சிலர் உயிரிழக்க நேரிட்டது.

இந்நிலையில் கடந்த 12 நாட்களில் மட்டும் 11 வங்கி ஊழியர்கள் உயிரிழந்து விட்டதாக வங்கி ஊழியர்கள் சங்கம் தெரிவித்துள்ளது. இதுகுறித்து ரிசர்வ் வங்கி ஆளுநர் தொடர்ந்து மவுனம் காத்து வருவதால், அவர் பதவி விலக வேண்டும் என்று வலியுறுத்தியுள்ளனர்.

English Summary : Demonetisation issue made 11 bank employees dead in 12 days says Bank employers Association.

முகநூலில் எங்கள் செய்திகளை படிக்க க்ளிக் செய்யவும்


Loading...