News
Loading...

முதல் 100 நாட்களுக்கான செயல்திட்டம் அறிவித்தார் டிரம்ப்!

முதல் 100 நாட்களுக்கான செயல்திட்டம் அறிவித்தார் டிரம்ப்!

அமெரிக்க அதிபராக பொறுப்பேற்கவுள்ள டொனால்டு டிரம்ப், தனது ஆட்சிக்காலத்தின் முதல் 100 நாட்களுக்கான செயல்திட்டத்தை அறிவித்துள்ளார்.

சமீபத்தில் நடைபெற்ற அமெரிக்க அதிபர் பதவிக்கான தேர்தலில், குடியரசுக் கட்சி சார்பாகப் போட்டியிட்ட டொனால்டு டிரம்ப் பெரும் வெற்றிபெற்றுள்ளார். வரும் ஜனவரி மாதத்தில் அதிபராக பொறுப்பேற்க உள்ள அவர், பதவியேற்றதில் இருந்து, அடுத்த 100 நாட்களுக்கு செயல்படுத்த உள்ள திட்டங்களை தற்போது வெளியிட்டுள்ளார்.

இவற்றில் பல திட்டங்கள், அவர் தேர்தல் பிரசாரத்தின்போது வெளியிட்ட அறிவிப்புகளாகும். குறிப்பாக, பசிபிக் நாடுகளுக்கு இடையிலான தடையற்ற வர்த்தக ஒப்பந்தத்தில் திருத்தம் செய்யப்படும் எனக் கூறப்பட்டுள்ளது. வேலைவாய்ப்பில், அமெரிக்க தொழிலாளர்களுக்கு முன்னுரிமை வழங்கப்படும் எனவும் தெரிவித்துள்ளது.

அமெரிக்கா, மெக்சிகோ எல்லையில் மிகப்பெரிய தடுப்புச் சுவர் நிறுவி, அகதிகள் ஊடுருவல் தடுக்கப்படும் என, டிரம்ப் கூறியுள்ளார். ஒபாமா ஆட்சியின்போது அறிமுகம் செய்யப்பட்ட சுற்றுச்சூழல் பாதுகாப்பு தொடர்பான விதிமுறைகளில் மிகப்பெரிய திருத்தம் செய்யப்படும்.

உள்கட்டமைப்பு வசதிகளுக்கு அதிக முன்னுரிமை வழங்கப்படும். அமெரிக்காவில் பணிபுரியும் வெளிநாட்டு தொழிலாளர்களில் நிரந்தர குடியுரிமை இல்லாதவர்கள், ஒப்பந்த காலம் முடிந்ததும் வெளியேற்றப்படுவார்கள். முஸ்லீம் நாடுகளில் இருந்து அதிகளவில் அகதிகள் அமெரிக்கா வருவது படிப்படியாகக் குறைக்கப்படும் என்பன உள்ளிட்ட பல்வேறு திட்டங்களை டொனால்டு டிரம்ப் அறிவித்துள்ளார்.

இவை அனைத்தும் செயல்படுத்தப்பட்டால், அமெரிக்க பொருளாதாரம் மற்றும் அரசியலில் மிகப்பெரிய மாற்றம் ஏற்படும் என்றும் அவர் குறிப்பிட்டுள்ளார். அதேசமயம், சர்வதேச அரங்கில் டிரம்பின் அறிவிப்புகள் அதிர்ச்சியை ஏற்படுத்தியுள்ளதும் குறிப்பிடத்தக்கது.

English Summary : Donald trump unveils plan for first 100 days in office

முகநூலில் எங்கள் செய்திகளை படிக்க க்ளிக் செய்யவும்


Loading...